Pawan Kalyan: వృద్ధురాలి ప్రేమకు ముగ్ధులైన పవన్ కల్యాణ్
ABN, Publish Date - May 10 , 2025 | 11:19 AM
గత సార్వత్రిక ఎన్నికల్లో తన గెలుపు కోసం వేగులమ్మ అమ్మవారికి మొక్కుకుని, తన పింఛను సొమ్ముతో ఆ మొక్కు చెల్లించిన 96 ఏళ్ల వృద్ధురాలు పోతుల పేరంటాలుకి ఉప ముఖ్యమంత్రి పవన్ కల్యాణ్ పాదాభివందనం చేశారు. ఆమెను గుండెలకు హత్తుకుని.. స్వయంగా భోజనం వడ్డించారు.
1/12
గత సార్వత్రిక ఎన్నికల్లో పవన్ కల్యాణ్ విజయాన్ని కాంక్షిస్తూ గ్రామదేవత వేగులమ్మ అమ్మవారికి పిఠాపురం నియోజకవర్గం యు.కొత్తపల్లి మండలం కొత్త ఇసుకపల్లికి చెందిన 96 ఏళ్ల వృద్ధురాలు పోతుల పేరంటాలు మొక్కులు మొక్కారు.
2/12
దీనికోసం నెలనెలా తనకు వచ్చే పింఛను సొమ్ములో కొంత దాచి రూ.27 వేలతో అమ్మవారికి గరగ చేయించి పోతుల పేరంటాలు మొక్కు చెల్లించుకున్నారు.
3/12
ఒంటరి జీవితం గడుపుతూ సొంత ఇల్లు కూడా లేని ఆ అవ్వ గురించి తెలుసుకుని.. ఆమెను మంగళగిరిలోని జనసేన కార్యాలయానికి తీసుకురావాలని అనుచరులను ఆదేశించారు.
4/12
ఈ విషయం తెలుసుకున్న పవన్ కల్యాణ్ పేరంటాలని శుక్రవారం మంగళగిరిలోని క్యాంపు కార్యాలయానికి పిలిపించుకొని ఆమెతో ముచ్చటించారు.
5/12
తనపై చూపిన మమకారానికి పవన్ కల్యాణ్ ముగ్దులయ్యారు.
6/12
డిప్యూటీ సీఎం పవన్ కల్యాణ్ తనపై చూపిన ప్రేమకు ఆ వృద్ధురాలు ఆనందంతో పొంగిపోయింది.
7/12
శుక్రవారం మంగళగిరికి వచ్చిన ఆమెను చూసి పవన్‌‌కల్యాణ్ భావోద్వేగానికి గురయ్యారు. తనతో కలిసి భోజనం చేయాలనే అవ్వ కోరికను పవన్‌‌కల్యాణ్ నెరవేర్చారు.
8/12
అవ్వను ఆత్మీయంగా పలుకరిస్తూ స్వయంగా పవన్ కల్యాణ్ భోజనం వడ్డించారు
9/12
వృద్ధురాలు పోతుల పేరంటాలకు చీర బహూకరించి, రూ.లక్ష ఆర్థిక సాయాన్ని పవన్ కల్యాణ్ అందజేశారు.
10/12
గ్రామంలో అమ్మవారి గుడిని పునరుద్ధరించాలని పోతుల పేరంటాలు పవన్ కల్యాణ్‌కు విజ్ఞప్తి చేసింది. వారంలో పని మొదలుపెడతానని పవన్ కల్యాణ్ హామీ ఇచ్చారు.
11/12
పోతుల పేరంటాలతో పవన్ కల్యాణ్ మాట్లాడారు. ఆమె ఆరోగ్య పరిస్థితి గురించి అడిగి తెలుసుకున్నారు.
12/12
పోతుల పేరంటాలు తన స్వగ్రామానికి వెళ్లడానికి పవన్ కల్యాణ్ ఓ వాహనం ఏర్పాటు చేశారు. ఆ వాహనం వరకు స్వయంగా వచ్చి ఆమెను పవన్ కల్యాణ్ పంపించారు.
Updated at - May 10 , 2025 | 11:45 AM
