అధికార లాంఛనాలతో మురళీ నాయక్ అంత్యక్రియలు.. నివాళులర్పించిన మంత్రులు

పాకిస్థాన్ సైన్యం జరిపిన కాల్పుల్లో అగ్నివీర్ మురళీ నాయక్ మరణించారు. ఆదివారం ఉమ్మడి అనంతపురం జిల్లాలోని గోరంట్ల మండలం కళ్లితండాలో అతడి అంత్యక్రియలు జరిగాయి. అంతకు ముందు అతడి మృతదేహానికి డిప్యూటీ సీఎం పవన్ కల్యాణ్‌, విద్యా శాఖ మంత్రి నారా లోకేశ్‌తోపాటు పలువురు మంత్రులు అనిత, సవిత, సత్యకుమార్ తదితరులు ఘనంగా నివాళులర్పించారు. అలాగే జిల్లాకు చెందిన పలువురు ఎమ్మెల్యేలు, వివిధ రాజకీయ పార్టీల నేతలతోపాటు జిల్లా ఉన్నతాధికారులు.. మురళీ నాయక్ మృతదేహానికి నివాళులర్పించారు. అనంతరం అధికార లాంఛనాలతో మురళీ అంత్యక్రియలు నిర్వహించారు.