Monsoon Makeup Tips: వానల్లో చెదరకుండా

మేకప్‌

వానలో తడిసినప్పుడు మేకప్‌ చెదిరిపోతుందనే భయం మహిళలందరికీ ఉంటుంది. ఎన్ని జాగ్రత్తలు తీసుకున్నా... అడపాదడపా వానల్లో తడుస్తూనే ఉంటాం. అయినా మేకప్‌ చెదిరిపోకుండా ఉండాలంటే కొన్ని చిట్కాలు పాటించాలి. అవేంటంటే...

చర్మం శుభ్రంగా: ముఖాన్ని సబ్బుతో శుభ్రపరుచుకున్న తర్వాత తేలికపాటి మాయిశ్చరైజింగ్‌ జెల్‌ లేదా లోషన్‌ను పూసుకోవాలి. ఆ తర్వాత బ్లాటింగ్‌ పేపర్‌తో అదనపు చర్మ నూనెలు, మాయిశ్చరైజర్‌లను తొలగించుకోవాలి.

ప్రైమర్‌తో: మేక్‌పకు ముఖాన్ని సిద్ధం చేసుకునేటప్పుడు మొదట ప్రైమర్‌ అప్లై చేయాలి. ఫేస్‌, ఐ ప్రైమర్‌లను వాడుకోవడం వల్ల చర్మం నునుపుగా మారి, ఫౌండేషన్‌ పూతకు తగ్గట్టు తయారవుతుంది.

ఫౌండేషన్‌ పలుచగా: తేమతో కూడిన వాతావరణంలో ఫౌండేషన్‌ భారీగా వేసుకుంటే అది ముద్దలుగా మారే ప్రమాదం ఉంటుంది. కాబట్టి మాయిశ్చరైజర్‌, ప్రైమర్‌ పలుచగా పూసుకున్న తర్వాత ఫౌండేషన్‌ కూడా వీలైనంత పలుచగా అప్లై చేసుకోవాలి.

సెట్టింగ్‌ స్ర్పే: సెట్టింగ్‌ స్ర్పేతో, మేకప్‌ ముఖం మీద నిలిచి ఉంటుంది. మేకప్‌ పూర్తయిన తర్వాత సెట్టింగ్‌ స్ర్పే వాడుకుని, అది ముఖం మీదే ఆరిపోయేలా చూసుకోవాలి.

ఫిక్సింగ్‌ పౌడర్‌: ఈ కాలంలో కాంపాక్ట్‌ పౌడర్‌కు బదులుగా ట్రాన్స్‌క్యులెంట్‌ పౌడర్‌కు మారాలి. ముఖం తడిసినప్పుడు కాంపాక్ట్‌ పౌడర్‌ చెక్కిళ్ల పైనుంచి కారిపోయి చారికలు ఏర్పడతాయి కాబట్టి వానాకాలంలో ఈ పౌడర్‌ వాడకం మానేయాలి.

వాటర్‌ప్రూఫ్‌: వాటర్‌ప్రూఫ్‌ మస్కారా, కాజల్‌, ఐలైనర్‌లను ఎంచుకోవాలి. సాధారణ ఉత్పత్తులతో పోల్చుకున్నప్పుడు వీటిని తొలగించడం కాస్త ఇబ్బందికరమే అయినప్పటికీ మేకప్‌ అందవిహీనంగా మారిపోకుండా ఉండడం కోసం ఈ కాలంలో వాటర్‌ప్రూఫ్‌ సౌందర్య సాధనాలనే వాడుకోవాలి.

ఇవి కూడా చదవండి..

డీయూఎస్‌యూ ఎన్నికల్లో ఏబీవీపీ విజయభేరి

హఫీజ్‌ను కలిసినందుకు మన్మోహన్ కృతజ్ఞతలు.. అఫిడవిట్‌లో యాసిన్ మాలిక్ వెల్లడి

మరిన్ని జాతీయ, తెలుగు వార్తల కోసం క్లిక్ చేయండి