Vijay Criticizes DMK: హామీల అమల్లో డీఎంకే విఫలం విజయ్‌

• తిరుచ్చిలో టీవీకే అధినేత బస్సుయాత్ర ప్రారంభం

చెన్నై, సెప్టెంబరు 13(ఆంధ్రజ్యోతి): గత అసెంబ్లీ ఎన్నికల్లో 500లకు పైగా హామీలను గుప్పించి అధికారంలోకి వచ్చిన డీఎంకే.. వాటి అమలులో మాత్రం విఫలమైందని తమిళగ వెట్రి కళగం(టీవీకే) పార్టీ అధినేత, సినీ నటుడు విజయ్‌ విమర్శించారు. అలాంటి పార్టీకి మళ్లీ ఓటెందుకు వేయాలని ప్రశ్నించారు. పార్టీని ప్రారంభించిన రెండేళ్ల తరువాత తొలిసారిగా విజయ్‌ జనంలోకి వచ్చారు. ‘రాక్‌ఫోర్ట్‌’ సిటీగా పేరుగాంచిన తిరుచ్చి నగరంలో శనివారం ఆయన బస్సు యాత్రను ప్రారంభించారు. సుమారు రెండు లక్షలమందిదాకా ఈ రోడ్‌షోలో పాల్గొన్నారు. భారీగా తరలివచ్చిన అభిమానులు, వారి వాహనాలతో తిరుచ్చిలో ట్రాఫిక్‌ స్తంభించిపోయింది. కాంగ్రెస్‌ సీనియర్‌ నేత, కేంద్ర మాజీ మంత్రి పి.చిదంబరం కూడా ట్రాఫిక్‌లో చిక్కుకోవడంతో పోలీసులు ఆయనకు ప్రత్యామ్నాయ మార్గాలు చూపాల్సి వచ్చింది.

ఇవి కూడా చదవండి..

Congress AI Video On PM Mother: మోదీ తల్లిపై కాంగ్రెస్ వివాదాస్పద ఏఐ వీడియో.. బీజేపీ ఫైర్

Vijay Statewide Tour: రాజుల తరహాలోనే ప్రజాస్వామ్య యుద్ధానికి ముందు మీ ముందుకొచ్చా

For More National News and Telugu News