Water Heater Safety Tips: చలికాలం.. వాటర్ హీటర్ వాడుతున్నారా? ఈ జాగ్రత్తలు తీసుకోండి..

ఇంటర్నెట్ డెస్క్: చలికాలంలో చాలా మంది స్నానం చేయడానికి ఇష్టపడరు. ఇంకొంతమంది అతి కష్టం మీద వాటర్ హీటర్ ఉపయోగించి వేడి నీటితో స్నానం చేస్తారు. అయితే, వాటర్ హీటర్ వాడేటప్పుడు కొన్ని జాగ్రత్తలు తీసుకోవాలి. ముఖ్యంగా విద్యుత్ షాక్ తగలకుండా ఉండేందుకు సరైన జాగ్రత్తలు తీసుకోవాలి. లేదంటే, ప్రమాదం జరిగే అవకాశం ఉంది. కాబట్టి, వాటర్ హీటర్ వాడేటప్పుడు ఎలాంటి జాగ్రత్తలు తీసుకోవాలో ఇప్పుడు తెలుసుకుందాం..

ఈ జాగ్రత్తలు తీసుకోండి

• కొంతమంది వాటర్ హీటర్ స్విచ్ ఆన్ చేసినప్పుడు నీరు వేడిగా ఉందో లేదో చెక్ చేస్తారు. అయితే, పొరపాటున కూడా ఇలా చేయకూడదు. స్విచ్ ఆన్‌లో ఉన్నప్పుడు నీటిలో చేయి పెడితే విద్యుత్ షాక్ తగిలి చనిపోయే ప్రమాదం ఉంది. స్విచ్ ఆఫ్ చేసి, ప్లగ్ తీసిన తర్వాత మాత్రమే నీటిని తాకాలని నిపుణులు సిఫార్సు చేస్తున్నారు.

• నీటిని మరిగించడానికి వాటర్ హీటర్‌ను ఎక్కువసేపు ఆన్‌లో ఉంచడం ప్రమాదకరం, ఎందుకంటే ఇది లోపల అధిక ఒత్తిడిని పెంచుతుంది. యంత్ర భాగాలను దెబ్బతీస్తుంది. శక్తిని వృధా చేస్తుంది.

• బాత్రూమ్‌లలో నేరుగా ఉపయోగించే 2-ఇన్-1 వాటర్ హీటర్లు చాలా ప్రమాదకరం. మీరు స్విచ్ ఆఫ్ చేయడం మర్చిపోయి బాత్రూంలో తేమ కారణంగా తడిస్తే, విద్యుత్ షాక్‌కు గురయ్యే ప్రమాదం ఎక్కువగా ఉంటుంది.

• చిన్న పిల్లలు ఉన్న ఇంట్లో వాటర్ హీటర్ వాడేటప్పుడు జాగ్రత్తగా ఉండాలి. వారు తరచుగా తిరిగే ప్రాంతాలకు దూరంగా, ఒక మూలలో లేదా ప్రత్యేక గదిలో వాటర్ హీటర్ ఉంచండి.

• చౌకైన వాటర్ హీటర్లను కొనడం మంచిది కాదు. ఎందుకంటే వాటికి షాక్ ప్రమాదం ఎక్కువగా ఉంటుంది.

• తడి చేతులతో వాటర్ హీటర్‌ను ఎప్పుడూ తాకవద్దు.

• ఒకే వాటర్ హీటర్‌ను ఎక్కువకాలం వాడటం మంచిది కాదు. దానిని తరచుగా మార్చండి. ఇది ప్రమాదాన్ని నివారించడానికి సహాయపడుతుంది.

ఇవీ చదవండి:

రీల్స్ పిచ్చి.. బ్రిడ్జిపై నుంచి పడి యువకుడు బలి..

లేడీ సీరియల్ కిల్లర్.. తనకంటే అందంగా ఉంటే చంపేస్తుంది..