Adulterated Milk: కల్తీ పాలను ఎలా గుర్తించాలో తెలుసా?

ఇంటర్నెట్ డెస్క్‌: పండుగల సీజన్ రాగానే పాలు, స్వీట్లు వంటి ఆహార పదార్థాలకు డిమాండ్ బాగా పెరుగుతుంది. అదే సమయంలో కల్తీ పదార్థాల ముప్పు కూడా పెరుగుతోంది. ప్రత్యేకంగా పాలు, మార్కెట్లో అత్యధికంగా కల్తీకి గురయ్యే ఆహార పదార్థంగా మారాయి. నీరు, స్టార్చ్, రసాయనాల మిశ్రమంతో తయారయ్యే నకిలీ పాలు రుచినీ నాశనం చేయడం మాత్రమే కాకుండా ఆరోగ్యానికి కూడా హానికరం.

కల్తీ పాలను ఎలా గుర్తించాలి?

మధ్యప్రదేశ్‌లోని ఖర్గోన్‌కు చెందిన పాల వ్యాపారి దేవేంద్ర కుష్వాహా, తన 21 ఏళ్ల అనుభవంతో కొన్ని స్థానిక సంప్రదాయాలు, యంత్ర పరికరాల ద్వారా పాలు స్వచ్ఛతను ఎలా పరీక్షించాలో వివరించారు.

ఫాటోమీటర్ అనే పరికరం ద్వారా పాలలోని కొవ్వు శాతం (Fat %), ప్రొటీన్ వంటి అంశాలను కొలవచ్చు. ఈ యంత్రం ధర రూ. 50,000 నుండి 60,000 మధ్య ఉంటుంది. గేదె పాలలో కొవ్వు శాతం 6% నుండి 8.5% మధ్య ఉండాలి. SNF (Solid Not Fat) కూడా సరిగా ఉన్నప్పుడు మాత్రమే పాలు స్వచ్ఛమైనవిగా పరిగణిస్తారు.

• పాలు మరిగినప్పుడు మందమైన మీగడ వస్తే, అవి స్వచ్ఛమైనవి. పలుచగా లేదా మీగడ రాకపోతే నీరు కలిపి ఉంటారు.

• మరిగిన పాలు పాత్రకు లేదా గరిటెకు అంటుకుంటే స్వచ్ఛతకు సూచిక.

• స్వచ్ఛమైన పాలకు సహజమైన తీపి ఉంటుంది. నకిలీ పాల రుచి చేదుగా ఉంటుంది లేదా ఎటువంటి రుచి ఉండదు.

• నిజమైన పాలు తెల్లగా ప్రకాశిస్తాయి. నకిలీ పాలు పసుపు లేదా గోధుమ రంగులో ఉండొచ్చు.

• నిజమైన పాలు కాలక్రమంలో నెమ్మదిగా చెడిపోతాయి. నకిలీ పాలు వేడి చేసినా త్వరగా చెడిపోతాయి.

హానికరమైన రసాయనాల ముప్పు

కల్తీ పాలకు డిటర్జెంట్, యూరియా, బోరిక్ యాసిడ్ వంటి ఆరోగ్యానికి హానికరమైన రసాయనాలు వాడతారు. ఇవి జీర్ణ వ్యవస్థపై ప్రభావం చూపుతాయి. చిన్నారుల ఆరోగ్యానికి ప్రమాదకరం. ఫుడ్ పాయిజనింగ్‌ వంటి సమస్యలకు దారితీస్తాయి.

జాగ్రత్త

మార్కెట్ నుండి పాలు కొనుగోలు చేసే ముందు సాధ్యమైనంతవరకూ స్వచ్ఛత పరీక్షించుకోవాలి లేదా నమ్మదగిన వ్యాపారుల నుండి మాత్రమే పాలు కొనాలి.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

టెన్త్, ఇంటర్ అర్హతతో అగ్నివీర్ జాబ్స్..సమీపిస్తున్న గడువు, అప్లై చేశారా..

64 పైసలు తగ్గి ఆల్ టైమ్ కనిష్ట స్థాయికి రూపాయి విలువ

For More Latest News