Ragi or Steel Water: స్టీల్ వర్సెస్ రాగి.. ఈ రెండిటిలో ఏ వాటర్ బాటిల్ మంచిది..?

ఇంటర్నెట్ డెస్క్: ఇంటి నుండి బయటకు వెళ్ళేటప్పుడు బాటిల్ తీసుకెళ్లని వారు చాలా అరుదు. పిల్లల నుండి పెద్దల వరకు ప్రతి ఒక్కరూ తమతో వాటర్ బాటిల్ తీసుకెళ్తారు. కానీ సరైన వాటర్ బాటిల్‌ను ఎంచుకోవడం ఆరోగ్యం,హైడ్రేషన్‌కు చాలా ముఖ్యం. కొంత మంది రాగి బాటిళ్లు తీసుకుంటే మరికొంత మంది స్టీల్ బాటిళ్లు కొంటారు. అయితే, ఈ రెండింటిలో ఏ బాటిల్ నీరు తాగడానికి లేదా నిల్వ చేయడానికి సురక్షితమో ఇప్పుడు తెలుసుకుందాం..

రాగి వాటర్ బాటిల్

ఆయుర్వేద వైద్యంలో శతాబ్దాలుగా రాగిని దాని ఔషధ, యాంటీమైక్రోబయల్ లక్షణాల కోసం ఉపయోగిస్తున్నారు. రాగి పాత్రలో నీటిని 6 నుండి 8 గంటలు నిల్వ చేయడం వల్ల నీటిలోకి రాగి అవశేషాలు విడుదలవుతాయి. రాగి సీసా నుండి నీరు తాగడం వల్ల అనేక ఆరోగ్య ప్రయోజనాలు ఉన్నాయి. రాగికి సహజ యాంటీ బాక్టీరియల్ లక్షణాలు ఉన్నాయి. ఇవి రోగనిరోధక శక్తిని పెంచుతాయి. ఇది బ్యాక్టీరియా పెరుగుదలను కూడా నిరోధిస్తుంది. పేగు ఆరోగ్యాన్ని మెరుగుపరుస్తుంది. థైరాయిడ్ సమస్యలతో బాధపడేవారికి రాగి సీసా నుండి నీరు తాగడం ప్రయోజనకరంగా ఉంటుందని చెబుతారు. ఎందుకంటే ఇది హార్మోన్ల సమతుల్యతను కాపాడుకోవడానికి సహాయపడుతుంది.

స్టీల్ వాటర్ బాటిల్

స్టీల్ వాటర్ బాటిల్‌లో రాగి ఉన్నంత పోషకాలు ఉండవు. కానీ అవి నీటిని నిల్వ చేయడానికి సురక్షితమైనవి. స్టీల్ బాటిళ్లు.. ప్లాస్టిక్ బాటిళ్ల లాగా నీటిని కలుషితం చేయవు. స్టీల్ బాటిళ్లలో నీరు సురక్షితంగా ఉంటుంది. కొన్ని స్టీల్ బాటిళ్లలో నీటిని ఎక్కువసేపు వేడిగా లేదా చల్లగా ఉంచే ఇన్సులేషన్ ఉంటుంది. రాగి లేదా స్టీల్ వాటర్ బాటిల్ ఈ రెండూ మంచివే. కానీ, మీ అవసరాలకు తగినట్లుగా వీటిలో ఒకటి ఎంచుకోవచ్చు. చాలామంది ఉదయం రాగి, మిగతా సమయాల్లో స్టీల్ వాడమని సలహా ఇస్తారు.

(NOTE: పై సమాచారం ఇంటర్నెట్ ఆధారంగా మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

ఆధునాతనంగా మోడల్ పోలీస్‌స్టేషన్‌ల నిర్మాణం: హోంమంత్రి అనిత

ముగిసిన భవానీ దీక్షలు.. ఎంతమంది దర్శించుకున్నారంటే..

Read Latest Latest News