Chanakya Niti: జీవితంలో దుఃఖాన్ని అధిగమించడానికి అలవర్చుకోవలసిన 4 పద్ధతులు ఇవే.!

ఇంటర్నెట్ డెస్క్: ఆచార్య చాణక్యుడు తన నీతి శాస్త్రంలో రాజకీయ విధానాల గురించి మాత్రమే కాకుండా జీవితానికి సంబంధించిన అనేక మంచి విషయాలను బోధించారు. ఎవరితో స్నేహం చేయడం మంచిది, మనకు శత్రువులు ఎవరు, విజయం సాధించడానికి ఏమి చేయాలి వంటి అనేక విషయాల గురించి ప్రస్తావించారు. అదేవిధంగా, జీవితంలో అన్ని దుఃఖాలను వదిలించుకోవడానికి, సంతోషంగా జీవించడానికి, ఈ నాలుగు పద్ధతులను ఫాలో కావాలని ఆచార్య చాణక్యుడు సూచిస్తున్నారు. కాబట్టి, చాణక్యుడు చెప్పిన ఆ నాలుగు పద్ధతులు ఏంటో ఇప్పుడు తెలుసుకుందాం..

దానం:

దానం చాలా గొప్ప కార్యం అని చాణక్యుడు చెప్పాడు. అతని ప్రకారం, క్రమం తప్పకుండా దానధర్మాలు చేసే వ్యక్తి ఇంట్లో పేదరికం తొలగిపోతుంది. అతను లక్ష్మీదేవి ఆశీస్సులను పొందుతాడు. దానధర్మాలు అంటే డబ్బు మాత్రమే కాదు, ఆహారం, జ్ఞానం, సమయం, ఇతర సేవలు కూడా ఉంటాయి. ఈ విధంగా ఇతరులకు సహాయం చేసే వ్యక్తి తన జీవితంలో శ్రేయస్సు, గౌరవాన్ని పెంచుకుంటాడని చాణక్యుడు చెప్పారు.

మంచి ప్రవర్తన:

మంచి ప్రవర్తన, నైతికత, మంచి విలువలు కలిగిన సద్గుణవంతుడు సమాజంలో ఎప్పుడూ అవమానంతో జీవించడని చాణక్య చెప్పారు. ఈ ధర్మాన్ని అలవర్చుకుంటే సమాజంలో గౌరవం లభిస్తుంది. జీవితంలో ముందుకు సాగడానికి అవకాశాలు లభిస్తాయని చాణక్య వివరించారు.

జ్ఞానం:

అజ్ఞానం మన ఎదుగుదలకు అతిపెద్ద అడ్డంకి అని చాణక్యుడు అంటున్నారు. సరైన వివేచన, జ్ఞానం.. మనల్ని చీకటి నుండి వెలుగు వైపు తీసుకెళుతుంది. నిరంతరం నేర్చుకునే అనుభవాల నుండి జ్ఞానాన్ని పొంది, తెలివిగా వ్యవహరించే వ్యక్తి జీవితంలో ఎప్పుడూ వెనుకబడడని చాణక్యుడు చెబుతున్నారు.

దేవునిపై విశ్వాసం:

దేవునిపై విశ్వాసం, సానుకూల ఆలోచన, భక్తి ఒక వ్యక్తిలోని అన్ని రకాల భయాలను తొలగిస్తాయి. భక్తి, నిజమైన భావాలతో తన జీవితాన్ని గడిపే వ్యక్తి మానసిక ప్రశాంతత, ఆత్మవిశ్వాసం రెండింటినీ పొందుతాడని చాణక్యుడు చెప్పాడు.

ఆచార్య చాణక్యుడు చెప్పినట్లుగా, ఈ నాలుగు పద్ధతులు ఒక వ్యక్తి వ్యక్తిత్వాన్ని నిర్మించడంలో సహాయపడటమే కాకుండా ఆ వ్యక్తిని విజయవంతమైన, సంతోషకరమైన మార్గంలో నడిపిస్తాయి.

Also Read:

జీతంతో పాటు సైడ్ ఇన్‌కమ్ కావాలా.. ఈ సింపుల్ టిప్స్ ఫాలో అయితే చాలు.!

టేకాఫ్ అవుతుండగా ఎయిర్ ఇండియా విమానాన్ని ఢీకొట్టిన పక్షి

For More Latest News