Black Coffee Benefits: ప్రతిరోజూ బ్లాక్ కాఫీ తాగే అలవాటు ఉందా? ఈ ముఖ్య విషయాలు తెలుసుకోండి..

ఇంటర్నెట్ డెస్క్: బ్లాక్ కాఫీ ఆరోగ్యానికి చాలా మంచిదని అందరికీ తెలిసిన విషయమే. కొంతమంది దీనిని రోజూ తీసుకుంటారు. ఇది మన శరీరానికి చాలా మంచిదని పోషకాహార నిపుణులు కూడా అంటున్నారు. ఈ విషయంలో నిర్వహించిన ఒక అధ్యయనం ప్రకారం, ప్రతిరోజూ బ్లాక్ కాఫీ తాగడం వల్ల మనిషి జీవితకాలం పెరుగుతుందని గుర్తించారు. మీరు దీర్ఘకాలం ఆరోగ్యంగా జీవించాలనుకుంటే బ్లాక్ కాఫీ తాగడం మంచిదని ఆరోగ్య నిపుణులు అంటున్నారు. కానీ బ్లాక్ కాఫీలో చక్కెర, పాలు కలపకుండా తాగాలని సూచిస్తున్నారు. అప్పుడే మీరు దాని ఆరోగ్య ప్రయోజనాలను పొందవచ్చని చెబుతున్నారు. కాబట్టి, బ్లాక్ కాఫీ తాగడం వల్ల కలిగే ప్రయోజనాలు ఏమిటో ఇప్పుడు తెలుసుకుందాం..

లివర్ కొవ్వు తగ్గుతుంది

నిపుణుల అభిప్రాయం ప్రకారం, క్రమం తప్పకుండా బ్లాక్ కాఫీ తాగడం వల్ల కాలేయ కొవ్వు తగ్గుతుంది. ఇది కాలేయ పనితీరును మెరుగుపరుస్తుంది. అంతే కాదు, ఇది నాడీ వ్యవస్థను కూడా ప్రేరేపిస్తుంది. అదనంగా, చక్కెర లేని కాఫీ అడ్రినలిన్‌ అనే హార్మోన్‌ను విడుదల చేస్తుంది. ఇది మిమ్మల్ని శారీరకంగా చురుకుగా చేస్తుంది.

బరువు తగ్గడానికి సహాయపడుతుంది

బ్లాక్ కాఫీలో కేలరీలు తక్కువగా ఉండటం వల్ల జీవక్రియ కూడా పెరుగుతుంది. బరువు తగ్గాలనుకునే వారికి ఇది ఉత్తమ ఔషధం అని నిపుణులు అంటున్నారు. కాబట్టి, మీరు బరువు తగ్గాలనుకుంటే, ప్రతిరోజూ బ్లాక్ కాఫీ తప్పకుండా తాగండి.

జీవితకాలం పెరుగుతుంది

జర్నల్ ఆఫ్ న్యూట్రిషన్‌లో ఒక అధ్యయనం ప్రకారం, చక్కెర లేదా పాలు లేకుండా బ్లాక్ కాఫీ తాగడం వల్ల మరణ ప్రమాదం తగ్గుతుందని తేలింది. అంటే బ్లాక్ కాఫీని క్రమం తప్పకుండా తాగడం వల్ల మీ ఆయుష్షు పెరుగుతుందని ఈ అధ్యయనం చెబుతోంది.

గుండె జబ్బుల ప్రమాదం తక్కువ

రోజూ 1 నుండి 2 కప్పుల కెఫిన్ కలిగిన కాఫీ తాగేవారికి గుండె జబ్బులు వచ్చే ప్రమాదం తక్కువగా ఉంటుంది. దీని అర్థం బ్లాక్ కాఫీ మీ గుండెను ఆరోగ్యంగా ఉంచడంలో, మీ ఆయుష్షును పెంచడంలో సహాయపడుతుంది.

ఎన్ని కప్పుల కాఫీ మంచిది?

కాఫీలో లభించే యాంటీఆక్సిడెంట్లు, బయోయాక్టివ్ సమ్మేళనాలు శరీరంలో మంటను తగ్గిస్తాయి. అవి కణాలను దెబ్బతినకుండా కాపాడతాయి. కొన్ని రకాల క్యాన్సర్, డయాబెటిస్ వంటి వ్యాధులను నివారించడంలో కూడా ఇవి సహాయపడతాయి. కాబట్టి, రోజుకు 1 నుండి 2 కప్పుల కాఫీ తాగడం అలవాటు చేసుకోవడం మంచిదని నిపుణులు సూచిస్తున్నారు.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

ఈ వ్యాధులున్నవారు చల్లటి నీటితో స్నానం చేస్తే అంతే!

డెస్క్ వర్క్ చేసేవారికి షుగర్ కంట్రోల్ టెక్నిక్స్!

పైనాపిల్ అందరికీ కాదండోయ్! ఈ 5 రకాల వాళ్లు దూరంగా ఉండాలి..