Trump deadline: రష్యాకు అనుకూలంగా ట్రంప్ ఒత్తిడి.. తగ్గేది లేదంటున్న ఉక్రెయిన్ అధ్యక్షుడు..

రష్యా-ఉక్రెయిన్ యుద్ధం ముగింపునకు సంబంధించి తాము ప్రతిపాదించిన శాంతి ప్రణాళికకు అంగీకరించాలని ఉక్రెయిన్ అధ్యక్షుడు జెలెన్‌స్కీపై అమెరికా అధ్యక్షుడు డొనాల్డ్ ట్రంప్ తీవ్ర ఒత్తిడి తీసుకొస్తున్నారు. రష్యా ఆక్రమించిన కొన్ని భూభాగాలను ఆ దేశానికి అప్పగించేందుకు ఉక్రెయిన్‌ సమ్మతించాలని సూచించారు. ప్రస్తుతం రష్యాది పైచేయిగా ఉంది కాబట్టి, జెలెన్‌స్కీ సహకరించాలని వ్యాఖ్యానించారు (US peace plan).

ట్రంప్ ఎంత ఒత్తిడి తీసుకొస్తున్నప్పటికీ జెలెన్‌స్కీ మాత్రం వెనక్కి తగ్గేది లేదంటున్నారు. రష్యాకు తమ భూభాగాలను ఎట్టి పరిస్థితుల్లోనూ అప్పగించేది లేదని తేల్చి చెప్పారు. అలా అప్పగించేందుకు తమ ప్రభుత్వానికి అధికారాలు లేవని కూడా స్పష్టం చేశారు. 'మా భూభాగాలను వదులుకోవాలని రష్యా ఒత్తిడి చేస్తోంది. మేం వాటిని వదులుకోం. పోరాటం కొనసాగిస్తాం. భూభాగాలను వేరే దేశానికి అప్పగించే హక్కు మాకు లేదు. ఉక్రెయిన్ రాజ్యాంగం, చట్టాలు, అంతర్జాతీయ చట్టాల ప్రకారం చూసుకున్నా అంతే' అని జెలెన్‌స్కీ వ్యాఖ్యానించారు (Russia-Ukraine war).

శాంతి ప్రణాళికకు అనుకూలంగా అమెరికా నుంచి ఒత్తిడి పెరుగుతున్న నేపథ్యంలో ఉక్రెయిన్‌కు అనుకూలంగా యూరప్ దేశాల మద్దతు కూడగట్టేందుకు జెలెన్‌స్కీ (Zelenskyy) ప్రయత్నిస్తున్నారు. వివిధ దేశాలలో సుడిగాలి పర్యటనలు చేస్తున్నారు. తాజాగా పోప్ లియో-14ను జెలెన్ స్కీ కలిసి చర్చలు జరిపారు. మీడియా ప్రతినిధులతో వాట్సాప్ ఛాట్ ద్వారా వివరాలు పంచుకుంటున్నారు.

ఇవి కూడా చదవండి

జీఎంహెచ్ఎంసీ వార్డుల సంఖ్య పెంపు.. తెలంగాణ సర్కార్ కీలక నిర్ణయం

రో-కో ఇంకా ఏం నిరూపించుకోవాలి?: అశ్విన్