Russia earthquake: రష్యాలో మరో భారీ భూకంపం.. 7.1 తీవ్రత నమోదు..

ABN , Publish Date - Sep 13 , 2025 | 09:04 AM

రష్యాను మరోసారి భారీ భూకంపం వణికించింది. నెల రోజుల క్రితం 8.7 తీవ్రతతో భూకంపం సంభవించిన కామ్చాట్కా తీరంలోనే తాజా భూకంపం కూడా వచ్చింది. ఈ సారి భూకంప తీవ్రత రిక్టర్ స్కేల్‌పై 7.1గా నమోదైంది.

Russia earthquake

రష్యాను మరోసారి భారీ భూకంపం వణికించింది. నెల రోజుల క్రితం 8.7 తీవ్రతతో భూకంపం సంభవించిన కామ్చాట్కా తీరంలోనే తాజా భూకంపం కూడా వచ్చింది. ఈ సారి భూకంప తీవ్రత రిక్టర్ స్కేల్‌పై 7.1గా నమోదైంది. ఈ భూకంప విషయాన్ని జర్మన్ రీసెర్చ్ సెంటర్ ఫర్ జియో సైన్సెస్ సంస్థ వెల్లడించింది.

39.5 కిలోమీటర్ల లోతులో భూకంప కేంద్రం ఉన్నట్టు తెలిపింది. అయితే ఈ భూకంపం కారణంగా సునామీ వచ్చే అవకాశం లేదని పసిఫిక్ సునామీ హెచ్చరిక సంస్థ ప్రకటన వెల్లడించింది. అటు జపాన్‌లో కూడా ఎలాంటి సునామీ హెచ్చరికలూ జారీ కాలేదు. నెల రోజుల క్రితం కూడా కామ్చాట్కా తీరంలోనే భారీ భూకంపం సంభవించింది. అప్పుడు సునామీ కూడా వచ్చింది.