Yawning: తరచుగా ఆవలిస్తుంటే జాగ్రత్త.. మీ శరీరం చెప్పే ఆరోగ్య సంకేతాలు ఇవే!

Yawning: ఆవలింతలు అంటే నిద్ర వచ్చే ముందు లేదా అలసటగా ఉన్నప్పుడు వచ్చే సహజమైన చర్య. ఇది సాధారణంగా గాలిని లోపలికి పీల్చి, ఆపై వదిలివేయడం ద్వారా జరుగుతుంది. అయితే, మీరు పదే పదే ఆవలిస్తూ ఉంటే జాగ్రత్త వహించాల్సిన అవసరం ఉంది. ఎందుకంటే, కొన్నిసార్లు ఆవలింతలు ఇతర ఆరోగ్య సమస్యలకు సంకేతం కావచ్చు. కొంతమంది తరచుగా ఆవలిస్తూ ఉంటారు. అయితే, ఇలా ఆవలింతలు రావడానికి ప్రధానంగా కొన్ని కారణాలు ఉన్నాయి. అవేంటో ఇప్పుడు తెలుసుకుందాం..

మెదడుకు ఆక్సిజన్ లేకపోవడం

ఆవలింతకు ప్రధాన కారణం మెదడుకు తగినంత ఆక్సిజన్ చేరకపోవడం. శరీరంలో ఆక్సిజన్ స్థాయి తక్కువగా ఉన్నప్పుడు లేదా కార్బన్ డయాక్సైడ్ స్థాయి పెరిగినప్పుడు మెదడు ఆవలింత ద్వారా ఉష్ణోగ్రత, ఆక్సిజన్ మొత్తాన్ని నియంత్రిస్తుంది. వేడి, తేమతో కూడిన వాతావరణంలో లేదా ఎక్కువసేపు ఒకే చోట కూర్చోవడం ద్వారా ఇలా జరుగుతుంది. కాబట్టి, లోతైన శ్వాస తీసుకోవడం, స్వచ్ఛమైన గాలిలో నడవడం, వెంటిలేషన్ ఉన్న ప్రదేశంలో ఉండటం వల్ల ఈ సమస్య తగ్గుతుంది.

శారీరక, మానసిక ఒత్తిడి

ఒత్తిడి, ఆందోళన కూడా తరచుగా ఆవలించడానికి కారణమవుతాయి. మనం ఒత్తిడికి గురైనప్పుడు మన శ్వాస ప్రక్రియ సక్రమంగా ఉండదు. ఇది మెదడుకు ఆక్సిజన్ సరఫరాను ప్రభావితం చేస్తుంది. దీనితో పాటు ఒత్తిడి కారణంగా శరీర ఉష్ణోగ్రత పెరుగుతుంది. కాబట్టి, ఒత్తిడిని తగ్గించడానికి మీరు యోగా, ధ్యానం, లోతైన శ్వాస తీసుకోవడం వంటి పనులు చేయడం మంచిది.

మందుల దుష్ప్రభావాలు

యాంటీ-డిప్రెసెంట్స్, యాంటిహిస్టామైన్లు లేదా నొప్పి నివారణ మందులు వంటి కొన్ని మందులు తరచుగా ఆవలింతకు కారణమవుతాయి. ఈ మందులు మెదడు రసాయనాలను ప్రభావితం చేస్తాయి. ఇవి నిద్రకు దారితీస్తాయి. మందులు ఆవలింతను పెంచుతున్నాయని మీకు అనిపిస్తే మీ వైద్యుడిని సంప్రదించండి. వారు ప్రత్యామ్నాయ చికిత్సలను సూచిస్తారు.

ఆరోగ్య సమస్యలు

తరచుగా ఆవలింతలు రావడం వల్ల స్లీప్ అప్నియా, నార్కోలెప్సీ లేదా థైరాయిడ్ సమస్యలు వంటి కొన్ని తీవ్రమైన ఆరోగ్య సమస్యలు కూడా సంభవిస్తాయి. స్లీప్ అప్నియా అధిక నిద్రకు కారణమవుతుంది. రాత్రి నిద్రపోతున్నప్పుడు అనేక సమస్యలను ఎదుర్కోవలసి ఉంటుంది. దీని కారణంగా సరిగ్గా నిద్రపోలేరు. మరుసటి రోజు చాలా అలసిపోయినట్లు అనిపించవచ్చు. నార్కోలెప్సీ కూడా నిద్రకు సంబంధించిన సమస్య. ఈ సమస్య ఉన్నవారు ఎప్పుడైనా, ఎక్కడైనా అకస్మాత్తుగా నిద్రపోవచ్చు. ఈ వ్యాధి ఉన్నావారు పగటిపూట కూడా ఎక్కువగా నిద్రపోతారు. దీని కారణంగా ఎక్కువగా ఆవలిస్తూ ఉంటారు. అలసట, తలనొప్పి లేదా శ్వాస తీసుకోవడంలో ఇబ్బంది వంటి లక్షణాలు ఆవలింతతో పాటు కనిపిస్తే వెంటనే వైద్యుడిని సంప్రదించడం మంచిది.

Also Read:

20 రూపాయల వాటర్ బాటిల్.. మీ ఆరోగ్యానికి సురక్షితమేనా..

మీ పిల్లలకు డ్రగ్స్ అలవాటు అయ్యాయా.. తల్లిదండ్రులు తప్పనిసరిగా.

For More Health News