Heart Attack: యువతలో పెరుగుతున్న గుండెపోటు కేసులు.. కారణాలు ఏంటో తెలుసా..

గుండెపోటు ఎవరికైనా రావచ్చు. మీ గుండె ఆరోగ్యాన్ని కాపాడుకోవడానికి, గుండెపోటుకు కారణమేమిటో అర్థం చేసుకోవడం చాలా అవసరం. జీవనశైలి కూడా ఇందులో ముఖ్యమైన పాత్ర పోషిస్తుంది. గత 15 సంవత్సరాలుగా అనారోగ్యకరమైన జీవనశైలి మార్పులు యువతలో గుండెపోటు పెరుగుదలకు కారణంగా తెలుస్తుంది. గుండెపోటుకు ముఖ్య కారణాలు ఏంటి? మీ గుండెను రక్షించుకోవడానికి మీరు ఏమి చేయాలి? అనే విషయాలను ఇప్పుడు తెలుసుకుందాం..

యువతలో గుండెపోటుకు కొన్ని ముఖ్యమైన కారణాలు ఉన్నాయి. వ్యాయామం చేయకపోవడం, శారీరక శ్రమ చేయకుండా ఉండటం, ఎక్కువ నడవకపోవడం, ధూమపానంతో పాటు ఊబకాయం ఇలా గుండె జబ్బుకు పలు కారణాలు ఉన్నాయి. అంతేకాకుండా, అధిక మొత్తంలో మద్యం సేవించడం కూడా గుండెపోటుకు పెద్ద కారణం. దీనితో పాటు పెరిగిన ఒత్తిడి, సరైన ఆహారం లేకపోవడం గుండె జబ్బుకు పెద్ద కారణాలు.

గుండెపోటుకు ప్రధాన కారణాలు

తండ్రి, తల్లి లేదా తోబుట్టువులకు గుండె సంబంధిత వ్యాధులు ఉంటే అలాంటి వారిలో గుండెపోటు ప్రమాదం కూడా పెరిగే అవకాశం ఉంది. మధుమేహం, అధిక రక్తపోటు, అధిక కొలెస్ట్రాల్ అనేవి గుండెపోటుకు మూడు ప్రధాన కారణాలు. అయితే, ఈ మూడు విషయాలను సులభంగా నియంత్రించవచ్చు. ఈ విషయాలన్నింటినీ నియంత్రించడం ద్వారా గుండెపోటు ప్రమాదాన్ని బాగా తగ్గించవచ్చు.

గుండెపోటును ఎలా నివారించాలి?

గుండెపోటును నివారించడానికి మీరు క్రమం తప్పకుండా వాకింగ్ చేయాలి. శారీరక శ్రమ, వ్యాయామం చేయడం ద్వారా గుండె జబ్బుల ప్రమాదాన్ని గణనీయంగా తగ్గించవచ్చు. వ్యాయామం మొత్తం ఆరోగ్యంపై తీవ్ర ప్రభావాన్ని చూపుతుంది. మధుమేహాన్ని నియంత్రించడంలో, రక్తపోటును నియంత్రించడంలో, ఊబకాయాన్ని తొలగించడంలో సహాయపడుతుంది. ఇది ఒత్తిడి, కొలెస్ట్రాల్ స్థాయిలను కూడా తగ్గిస్తుంది. అదే సమయంలో ధూమపానం, అధికంగా మద్యపానం వంటి అనారోగ్యకరమైన అలవాట్లను మానుకోవడం చాలా మంచిది. సాధారణ శారీరక శ్రమ మీ మందుల అవసరాన్ని సగానికి తగ్గించి, మిమ్మల్ని ఆరోగ్యంగా సంతోషంగా ఉంచుతుంది.

Also Read:

Uric Acid: యూరిక్ యాసిడ్ పెరుగుతుందని ఆందోళన చెందుతున్నారా.. ఈ విషయాలు తెలుసుకోండి..

Health Tips: ఈ ఆహార పదార్థాలతో కడుపు సమస్యలకు చెక్..

Morning Tips: ఉదయాన్నే ఈ 5 అలవాట్లతో సంపూర్ణ ఆరోగ్యం మీ సొంతం