Health Tips: ఆరోగ్యంగా ఉండాలనుకుంటున్నారా.. ఈ టిప్స్ ఫాలో అవ్వండి..

ప్రతి ఒక్కరూ ఆరోగ్యంగా, ఫిట్‌గా ఉండాలని కోరుకుంటారు. కానీ, ప్రస్తుత జీవనశైలి కారణంగా చాలా మంది చిన్న వయసులోనే అనేక వ్యాధులతో ఇబ్బంది పడుతున్నారు. అయితే, ఈ సింపుల్ టిప్స్‌తో ఆరోగ్యకరమైన జీవితాన్ని గడపవచ్చని నిపుణులు చెబుతున్నారు. ఈ అలవాట్లు అలవర్చుకోవడం ద్వారా 50 ఏళ్లు అయినా ఏలాంటి వ్యాధుల బారిన పడకుండా హ్యాపీగా ఉంటారని అంటున్నారు. అవేంటో ఇప్పుడు తెలుసుకుందాం..

1. సరైన ఆహారం..

ఎక్కువ కాలం ఆరోగ్యంగా ఉండటానికి మీ ఆహారంలో పోషకాలు అధికంగా ఉండే ఆహారాన్ని చేర్చుకోండి. దీని కోసం, ప్రతిరోజూ మీ ఆహారంలో తృణధాన్యాలను చేర్చుకోండి. ఈ ఆహారాలు అనేక రకాల పోషకాలతో సమృద్ధిగా ఉంటాయి.

2. శారీరక శ్రమ అవసరం

శారీరకంగా శ్రమ చేయకపోతే మీరు ఊబకాయం సమస్యతో బాధపడాల్సి వస్తుంది. అంతేకాకుండా మీ ఎముకలు, కండరాలు కూడా బలహీనపడతాయి. అలాగే, శరీరంలో రక్త ప్రసరణ సరిగ్గా జరగదు. ఒక నివేదిక ప్రకారం, ఎక్కువ కాలం జీవించడానికి ప్రతిరోజూ 10 వేల అడుగులు నడవడం చాలా ముఖ్యం. జిమ్‌కి వెళ్లని లేదా తీవ్రమైన వ్యాయామాలు చేయని వారు ఫిట్‌గా, యాక్టివ్‌గా ఉండటానికి నడవడం చాలా ముఖ్యం.

3. ఎండలో కూర్చోవడం తప్పనిసరి

రోజంతా ల్యాప్‌టాప్, మొబైల్ తో ఉండే బదులు కాసేపు బయటకు వెళ్లి సహజ వెలుతురులో ఉండటం మంచిదని ఆరోగ్య నిపుణులు అంటున్నారు. సూర్యరశ్మి కాంతి సహజ వనరు అని ఇది విటమిన్ డిని కూడా అందిస్తుందని చెబుతున్నారు. ఇది ఎముకలు, దంతాలు, శరీరంలో అనేక ఇతర అంతర్గత విధులను నిర్మించడంలో సహాయపడుతుందని అంటున్నారు. మీరు ఎముకల వ్యాధిని నివారించాలనుకుంటే విటమిన్ డి కోసం ఉదయం అరగంట పాటు ఎండలో కూర్చోండి.

4. మాంసం తినవద్దు

శరీరానికి ప్రోటీన్ అవసరం అయినప్పటికీ, మీరు ఎక్కువగా మాంసం తినకూడదు. మాంసంలో కొలెస్ట్రాల్, అనారోగ్యకరమైన కొవ్వులు ఉంటాయి. ఇవి గుండె జబ్బులను పెంచుతాయి. అలాగే, ప్రాసెస్ చేసిన మాంసం లేదా ఆహారాలు కూడా కడుపు క్యాన్సర్ ప్రమాదాన్ని పెంచుతాయి. కాబట్టి వీటిని తినడం మానుకోండి.

5. ఒత్తిడికి బై-బై చెప్పండి

ఒత్తిడి మీ జీవితాన్ని చెడుగా ప్రభావితం చేస్తుంది. దీని వెనుక అనేక కారణాలు ఉండవచ్చు, వాటిలో పని ఒత్తిడి, కుటుంబం, ఆర్థిక పరిమితులు, ఉద్యోగం పోతుందనే ఆందోళన, మంచి ఉద్యోగం రాలేదనే బాధ ఇలా చాలా కారణాలు ఉంటాయి. కానీ, మీరు ఒత్తిడి, ఆందోళనను తగ్గించుకోవడానికి ప్రయత్నించడం మంచిది. దీని కోసం ధ్యానం చేయండి, అది మనసుకు ప్రశాంతతను ఇస్తుంది.

Also Read:

Devadaya Tribunal Order: బుగ్గమఠం భూములపై దేవదాయ ట్రైబ్యునల్‌’ను ఆశ్రయించండి

Southwest Monsoon AP: 28లోగా ఏపీకి నైరుతి

For More Telugu And National News