Benefits of Pumpkin Flowers: గుమ్మడికాయే కాదు.. దాని పువ్వు కూడా ఆరోగ్యానికి నిధి

ఇంటర్నెట్ డెస్క్: గుమ్మడికాయను చాలా మంది కూర చేసుకుని తింటారు. అయితే, కొందరు గుమ్మడికాయ పూలు కూడా తింటారని మీకు తెలుసా? ఈ గుమ్మడికాయ పువ్వులు ఆరోగ్యానికి నిధి అని ఆయుర్వేద నిపుణులు చెబుతున్నారు. ఇవి రుచికరంగా కూడా ఉంటాయట. కాబట్టి, గుమ్మడికాయ పువ్వు ఆరోగ్య ప్రయోజనాలు ఏంటో ఇప్పుడు తెలుసుకుందాం..

గుమ్మడికాయ పులు విటమిన్లు ఎ, సి, కాల్షియం, ఇనుముతో సమృద్ధిగా ఉంటాయి. ఇవి అలసట నుండి ఉపశమనం కలిగిస్తుందని, శరీరానికి శక్తిని అందిస్తుందని, రోగనిరోధక శక్తిని పెంచుతుందని ఆయుర్వేద నిపుణులు చెబుతున్నారు. దీనిని క్రమం తప్పకుండా తీసుకోవడం వల్ల అలసట, బలహీనత నుండి ఉపశమనం లభిస్తుందని చెబుతున్నారు.

గుమ్మడికాయ పువ్వులు మలబద్ధకం నుండి ఉపశమనం కలిగిస్తాయి. గుమ్మడికాయలలో ఉండే ఫైబర్ కడుపును తేలికగా ఉంచుతుందని, ఆహారాన్ని సరిగ్గా జీర్ణం చేయడంలో సహాయపడుతుందని నిపుణులు అంటున్నారు. గుమ్మడికాయ పువ్వు విటమిన్ ఎ కి మంచి మూలం అని, దీనిని తీసుకోవడం వల్ల పిల్లలలో కంటి చూపు మెరుగుపడుతుందని, దృష్టి బలపడుతుందని సూచిస్తున్నారు.

గుమ్మడికాయ పువ్వులలోని యాంటీఆక్సిడెంట్, ఔషధ గుణాలు చర్మ చికిత్స చేయడంలో సహాయపడతాయని, ఇది మచ్చలను తగ్గిస్తుందని, చర్మాన్ని ప్రకాశవంతం చేస్తుందని చెబుతున్నారు. ఆయుర్వేదం దీనిని సహజ చర్మ టానిక్‌గా అభివర్ణిస్తుందన్నారు. గుమ్మడికాయ పూల కూర, పిల్లలకు, వృద్ధులకు చాలా ప్రయోజనకరంగా ఉంటుందని, ఈ వంటకాలలోని పోషకాలు బలాన్ని అందిస్తాయని అంటున్నారు. గుమ్మడికాయ పులను తీసుకోవడం వల్ల ఆర్థరైటిస్, కండరాల నొప్పుల నుండి ఉపశమనం లభిస్తుంది. ఇది సహజ నొప్పి నివారిణిగా పనిచేస్తుంది.

ఆయుర్వేదం ప్రకారం, మహిళలు ఎదుర్కొనే అనేక సమస్యలకు గుమ్మడికాయ పువ్వు పరిష్కారం. ఇది రుతుక్రమ సమస్యలను తొలగిస్తుందని, ఎముకలను బలపరుస్తుందని ఆయుర్వేద నిపుణులు అంటున్నారు. ఇందులో ఉండే కాల్షియం, ఇనుము మహిళలకు ముఖ్యంగా ప్రయోజనకరంగా ఉంటుందని చెబుతున్నారు.

(Note: ఇక్కడ అందించిన సమాచారం ఇంటర్నెట్ ఆధారంగా ఇవ్వబడింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

పాస్‌పోర్ట్ ఉంటే చాలు..ఈ దేశాలకు వీసా అవసరం లేదు

ఛైర్మన్‌కు అవమానం అంటూ వైసీపీ సభ్యుల ఆందోళన

For More Latest News