Blood Pressure Checking Tips: రక్తపోటు తనిఖీ చేసేటప్పుడు ఈ విషయాలను గుర్తుంచుకోండి

ఇంటర్నెట్ డెస్క్‌: ఆరోగ్యకరమైన వ్యక్తికి, 120/80 mm Hg కంటే తక్కువ రక్తపోటు సాధారణంగా ఉంటుంది. అయితే, ఇది వ్యక్తి వయస్సు, ఆరోగ్యం, ఇతర కారకాలను బట్టి మారవచ్చు. రక్తపోటు కొలత అనేది సిస్టోలిక్, డయాస్టొలిక్ సంఖ్యలతో ఉంటుంది. ఇవి గుండె సంకోచించినప్పుడు, విశ్రాంతి తీసుకున్నప్పుడు కలిగే ఒత్తిడిని సూచిస్తాయి. రక్తపోటు 140/90 mmHg లేదా అంతకంటే ఎక్కువగా ఉంటే దానిని అధిక రక్తపోటు అంటారు. 90/60 mmHg కంటే తక్కువగా ఉంటే దానిని తక్కువ రక్తపోటుగా అంటారు.

అనారోగ్యకరమైన ఆహారపు అలవాట్లు, ఎక్కువగా ఉప్పు తీసుకోవడం, అధిక బరువు, శారీరక శ్రమ లేకపోవడం, ఒత్తిడి, ధూమపానం, మద్యపానం, నిద్ర లేకపోవడం వంటి అనేక కారణాల వల్ల బిపి ప్రభావితమవుతుందని ఆరోగ్య నిపుణులు చెబుతున్నారు. అంతేకాకుండా, జన్యుపరమైన కారణాలు, పెరుగుతున్న వయస్సు కూడా రక్తపోటును ప్రభావితం చేస్తాయని అంటున్నారు.

ఈ విషయాలు గుర్తుంచుకోండి

బిపి చెక్ చూసుకోవడానికి కొన్ని ముఖ్యమైన జాగ్రత్తలు పాటించాలి. పరీక్షకు కనీసం అరగంట ముందు టీ, కాఫీ, సిగరెట్లు లేదా ఆల్కహాల్ తీసుకోకండి. ఎందుకంటే ఇవి మీ బిపి రీడింగ్‌లను ప్రభావితం చేస్తాయి. మీ బిపిని తనిఖీ చేయడానికి ముందు ఎలాంటి శారీరక శ్రమ, పరిగెత్తడం లేదా ఒత్తిడిని నివారించండి. కాసేపు విశ్రాంతి తీసుకోండి. పరీక్ష సమయంలో నిటారుగా కూర్చోండి. మీ కాళ్ళను, చేతులను రిలాక్స్డ్ స్థితిలో ఉంచండి. యంత్రం సరైన ఒత్తిడిని నమోదు చేయగలిగేలా చేయిని గుండె ఎత్తులో ఉంచాలి. సరైన ఫలితం పొందడానికి ఉదయం, సాయంత్రం వేర్వేరు సమయాల్లో బిపి రీడింగ్‌లను తీసుకోవాలి. ఎప్పటికప్పుడు తనిఖీ చేయడం వల్ల మందులు లేదా జీవనశైలి మార్పులు పనిచేస్తున్నాయో లేదో తెలుస్తుంది.

Also Read:

మళ్లీ భారీగా పెరిగిన పసిడి ధరలు.. ఆల్ టైమ్ గరిష్టానికి గోల్డ్..

షూటింగ్ జరుగుతుండగా రెచ్చిపోయిన వీధి రౌడీలు.. మూవీ టీమ్‌పై దాడి..

For More Latest News