Ajwain Benefits for Health: గ్యాస్, జీర్ణ సమస్యలకు ఇలా శాశ్వతంగా చెక్ పెట్టండి.!

ఇంటర్నెట్ డెస్క్: వాము ఒక సువాసనగల సుగంధ ద్రవ్యం, దీనిని వంటకాల్లో రుచి కోసం ఉపయోగిస్తారు. అంతేకాకుండా, ఆయుర్వేద ఔషధాల తయారీలో కూడా వీటిని ఉపయోగిస్తారు. దీనిలో అనేక ఆరోగ్య ప్రయోజనాలు ఉన్నాయి. యాంటీ బాక్టీరియల్, యాంటీ ఫంగల్ లక్షణాలు ఉన్నాయి. ఇవి జీర్ణ సమస్యలు, శ్వాసకోశ వ్యాధులకు ఉపశమనం కలిగిస్తాయి. అంతేకాకుండా.. ఇందులో నియాసిన్, థియామిన్, సోడియం, భాస్వరం, పొటాషియం, కాల్షియం, మంచి కొవ్వు ఆమ్లాలు, ఫైబర్, ప్రోటీన్లు ఉంటాయి.

వాము ఆరోగ్య ప్రయోజనాలు

• వాములో యాంటీ బాక్టీరియల్, యాంటీ ఫంగల్ లక్షణాలు శ్వాసకోశ సమస్యలను వదిలించుకోవడానికి సహాయపడతాయి.

• జలుబు, దగ్గు, కఫం వంటి సమస్యలతో బాధపడేవారు వాము నీటిని క్రమం తప్పకుండా తాగడం ద్వారా ఉపశమనం పొందవచ్చు.

• రాత్రి పడుకునే ముందు గోరువెచ్చని నీటిలో వాము పొడి కలిపి తాగడం వల్ల జీర్ణ సమస్యలు తొలగిపోతాయి.

• వాము నీరు ఉబ్బరం, గ్యాస్, జీర్ణ సమస్యలను తగ్గించడంలో చాలా సహాయపడుతుంది.

• వాము నీటిని వడకట్టి క్రమం తప్పకుండా తీసుకోవడం వల్ల బరువు తగ్గవచ్చు.

• గోరువెచ్చని నీటిలో వాము పొడి కలిపి తాగడం వల్ల స్త్రీలు కడుపు నొప్పి నుండి ఉపశమనం పొందుతారు.

• అర టీస్పూన్ వాము పొడిని గోరువెచ్చని నీటిలో కలిపి తాగితే పంటి నొప్పి తగ్గుతుంది. అంతే కాదు, నోటి దుర్వాసన కూడా తొలగిపోతుంది.

• వాము నీరు రక్తపోటును, చెడు కొలెస్ట్రాల్‌ను నియంత్రించడంలో సహాయపడుతుంది. శరీరంలో పేరుకుపోయిన కొవ్వును కరిగిస్తుంది.

• కీళ్ల నొప్పులను తగ్గించడంలో కూడా వాము సహాయపడుతుంది.

• అంతేకాకుండా, వాము వాంతులను తగ్గించడంలోనూ ఉపయోగపడుతుంది. రోజూ అర టీస్పూన్ వాము పొడిని గోరువెచ్చని నీటిలో కలిపి తాగితే బోలెడు ఆరోగ్య ప్రయోజనాలు ఉంటాయని ఆయుర్వేద నిపుణులు చెబుతున్నారు.

(Note: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

Also Read:

జుట్టు ఆరోగ్యంగా ఉండాలంటే ఇవి కచ్చితంగా తినాల్సిందే..

ఈ నూనెతో 120 ఏళ్ల ఆయుష్యు మీ సొంతం.. కాశ్మీర్ ప్రజల హెల్త్ సీక్రెట్ ఇదే..

For More Latest News