Stock Market: మరింత క్షీణించిన రూపాయి.. సూచీలకు కొనసాగుతున్న నష్టాలు..

డాలర్‌తో పోల్చుకుంటే రూపాయి మారకం విలువ (రూ.90.10) మరింతగా క్షీణించడంతో దేశీయ సూచీలకు వరుసగా మూడో రోజు కూడా నష్టాలు తప్పలేదు. రోజంతా సూచీలు నష్టాల బాటలోనే సాగాయి. విదేశీ మదుపర్ల అమ్మకాలు కొనసాగుతుండడం, ఆర్బీఐ వడ్డీ రేట్ల కోత ఇప్పట్లో ఉండదనే అంచనాలు, అంతర్జాతీయంగా ప్రతికూల సంకేతాలు, క్రూడ్ ఆయిల్ ధరలు పెరగడం సూచీలను వెనక్కి లాగుతున్నాయి. దీంతో ఈ రోజు సెన్సెక్స్, నిఫ్టీ నష్టాలతో రోజును ముగించాయి. (Indian stock market).

గత సెషన్ ముగింపు (85, 138)తో పోల్చుకుంటే బుధవారం ఉదయం ఫ్లాట్‌గా మొదలైన సెన్సెక్స్ ఆ తర్వాత క్రమంగా నష్టాల్లోకి జారుకుంది. రోజంతా నష్టాల్లోనే కదలాడింది. ఒక దశలో 350 పాయింట్లకు పైగా కోల్పోయి 84, 763 వద్ద ఇంట్రాడే కనిష్టానికి చేరుకుంది. మధ్యాహ్నం తర్వాత కాస్త కోలుకుంది. చివర్లో కొనుగోళ్లు పెరగడంతో పైకి వచ్చింది. చివరకు సెన్సెక్స్ 31 పాయింట్ల నష్టంతో 85, 106 వద్ద రోజును ముగించింది. మరో వైపు నిఫ్టీ కూడా సెన్సెక్స్ బాటలోనే కదలాడింది. చివరకు 46 పాయింట్ల నష్టంతో 25, 986 వద్ద స్థిరపడింది (stock market news today).

సెన్సెక్స్‌లో వొడాఫోన్ ఐడియా, బయోకాన్, సమ్మన్ క్యాపిటల్, విప్రో, అశోక్ లేలాండ్ మొదలైన షేర్లు లాభాలు ఆర్జించాయి (share market news). ఇండియన్ బ్యాంక్, హడ్కో, పీఎన్‌బీ, హిటాచీ ఎనర్జీ, కెనరా బ్యాంక్ మొదలైన షేర్లు నష్టాలను మూటగట్టుకున్నాయి. నిఫ్టీ మిడ్ క్యాప్ ఇండెక్స్ 594 పాయింట్లు నష్టపోయింది. బ్యాంక్ నిఫ్టీ 74 పాయింట్లు లాభపడింది. డాలర్‌తో పోల్చుకుంటే రూపాయి మారకం విలువ 90.10గా ఉంది.

ఇవీ చదవండి:

పీఎస్‌బీల్లో మరో మెగా విలీనం!

రూపాయి రికార్డు పతనం.. సూచీలకు తప్పని నష్టాలు..

మరిన్ని బిజినెస్, అంతర్జాతీయ వార్తల కోసం క్లిక్ చేయండి