ఎన్టీఆర్ వైద్య సేవ ట్రస్టులో నిర్లక్ష్యం

అమరావతి: ఎన్టీఆర్‌ వైద్య సేవ ట్రస్ట్‌లో పాలన గాడి తప్పింది. ఒకవైపు ఇన్‌చార్జి సీఈవోలు, మరోవైపు నాన్‌ మెడికల్‌ అధికారులతో అంతా అస్తవ్యస్తంగా మారింది. నిర్వహణ లోపాలతోక్షేత్రస్థాయిలో రోగులు తీవ్ర ఇబ్బందులు పడుతున్నారు. ఉద్యోగులు నిర్లక్ష్యంగా వ్యవహరిస్తూ రోగుల సేవల కంటే సొంత వ్యవహారాలకే ప్రాధాన్యం ఇస్తున్నారు. రెగ్యులర్‌ సీఈవో లేకపోవడం, కొత్తగా వచ్చినవారికి అనుభవం లేకపోవడంతో పాటు ట్రస్టులో అనుభవం ఉన్న ఉద్యోగులను అధికారులు పక్కన పెట్టడంతో సమస్యలు మరింత జటిలమవుతున్నాయి.

రాష్ట్రంలో 1.40 లక్షల కుటుంబాలకు ఆరోగ్య భరోసా కల్పించే వ్యవస్థ ఎన్టీఆర్‌ వైద్య సేవ ట్రస్ట్‌. ఇలాంటి వ్యవస్థకు రెగ్యులర్‌ సీఈవోను నియమిస్తే ఎలాంటి ఇబ్బందులు లేకుండా రోగులకు నాణ్యమైన వైద్య సేవలు అందుతాయి. అయితే ఈ ట్రస్టుకు ప్రభుత్వం సీఈవోను నియమించినా, కొద్ది రోజులకే బదిలీ చేస్తోంది. హరేంద్రీ ప్రసాద్‌ తర్వాత ఇన్‌చార్జి సీఈవోగా వెంకటేశ్వర్లు విధులు నిర్వహించారు. ఆయన తర్వాత వచ్చిన డి.కె. బాలాజీని కృష్ణాజిల్లా కలెక్టర్‌గా వెళ్లడంతో ఆ స్థానంలో మంజులను నియమించారు. తర్వాత ఆమె స్థానంలో లక్ష్మీశకు పోస్టింగ్‌ ఇచ్చారు. ఆయన ఎన్టీఆర్‌ జిల్లా కలెక్టర్‌గా బదిలీ కావడంతో ఇప్పుడు మళ్లీ మంజులను ప్రభుత్వం ఇన్‌చార్జి సీఈవోగా నియమించింది. ఏడాదిలో ఐదుగురు సీఈవోలు మారడంతో ట్రస్ట్‌లో పాలన అస్తవ్యస్తంగా మారింది. లక్ష్మీశ రెగ్యులర్‌ సీఈవోగా ఉన్నప్పటికీ మరో నాలుగు విభాగాల బాధ్యతలు కూడా అప్పగించడంతో ఆయన ట్రస్ట్‌పై పూర్తిస్థాయిలో దృష్టి సారించలేదు. మరింత సమాచారం కోసం ఈ వీడియో క్లిక్ చేయండి.

ఈ వార్తలు కూడా చదవండి..

వాళ్ల బాధలు తీరేదెప్పుడు...

ఆళ్ల నాని క్షమాపణ చెప్పాలి.. వీడియోలు వైరల్..

శ్రీ చైతన్య గర్ల్స్ క్యాంపస్‌లో ఆందోళన

ర్టీపీపీ దగ్గర మరోసారి ఉద్రిక్తత..

పులి సంచారం.. భయాందోళనలో ప్రజలు..

చిన్న వెంకన్న ఆలయంపై డ్రోన్ కలకలం..

Read Latest AP News and Telugu News

Read Latest Telangana News and National News

Read Latest Chitrajyothy News and Sports News