Cabinet Meeting: 26కు క్యాబినెట్‌ భేటీ వాయిదా...
ABN , Publish Date - Oct 20 , 2024 | 03:09 AM
ఈ నెల 23న నిర్వహించాలనుకున్న తెలంగాణ మంత్రివర్గ సమావేశం 26వ తేదీకి వాయిదా పడింది.
హైదరాబాద్‌, అక్టోబరు 19 (ఆంధ్రజ్యోతి): ఈ నెల 23న నిర్వహించాలనుకున్న తెలంగాణ మంత్రివర్గ సమావేశం 26వ తేదీకి వాయిదా పడింది. దక్షిణ కొరియాలోని సియోల్‌ నగరంలో హన్‌ నదిని అభివృద్ధి చేసిన తీరును పరిశీలించేందుకు మంత్రులు పొంగులేటి శ్రీనివాస్‌ రెడ్డి, పొన్నం ప్రభాకర్‌ వెళ్లిన నేపథ్యంలో ఈ మేరకు నిర్ణయం తీసుకున్నారు. మంత్రులు సియోల్‌ పర్యటనకు శనివారం వెళ్లగా.. ఈ నెల 25న తిరిగి హైదరాబాద్‌కు చేరుకోనున్నారు.
ఈసారి మంత్రివర్గ సమావేశంలో కొత్త ఆర్వోఆర్‌ ముసాయిదా బిల్లుపై చర్చించనున్నారు. రెవెన్యూశాఖ మంత్రి లేకుండా కీలకమైన ఈ బిల్లుపై చర్చించడం సరికాదని భావించి మంత్రివర్గ సమావేశాన్ని ఈ నెల 26కు సీఎం రేవంత్‌రెడ్డి వాయిదా వేశారు.
