MLA: తన మనసులో మాట చెప్పేసిన మాజీమంత్రి.. పార్టీ ఆదేశిస్తే ఎంపీగా పోటీ చేస్తా

మేడ్చల్‌(హైదరాబాద్), (ఆంధ్రజ్యోతి): బీఆర్‌ఎస్‌ అధిష్ఠానం ఆదేశిస్తే పార్లమెంట్ ఎన్నికల్లో మల్కాజిగిరి నియోజకవర్గం నుంచి పోటీ చేసేందుకు సిద్ధంగా ఉన్నానని మాజీ మంత్రి, మేడ్చల్‌ ఎమ్మెల్యే చామకూర మల్లారెడ్డి(Medcal MLA Chamakura Mallareddy) చెప్పారు. గురువారం ‘ఆంధ్రజ్యోతి’తో ఆయన మాట్లాడుతూ.. మంత్రి హోదాలో పనిచేసిన తాను ఎమ్మెల్యే పదవిలో ఇమడలేకపోతున్నానన్నారు. ఎంపీగా పోటీ చేసి పార్లమెంటుకు వెళ్లాలని ఆశిస్తున్నట్లు తెలిపారు. బీఆర్‌ఎస్‌ భవన్‌లో పార్లమెంటు నియోజకవర్గ విస్తృతస్థాయిలో సమావేశాలు జరుగుతున్న తరుణంలో మల్లారెడ్డి వ్యాఖ్యలు హాట్‌ టాఫిక్‌గా మారాయి. మల్కాజిగిరి లోక్‌సభ నియోజకవర్గం విస్తృతస్థాయి సమావేశం కూడా ఈనెల 21న నిర్వహించనున్నారు.