Breaking News: నేటి తాజా వార్తలు..

ఢిల్లీ: గ్రూప్-1 పరీక్ష పై సుప్రీంకోర్టు తీర్పు ఆదేశాలు

• నవంబర్ 20 కల్లా గ్రూప్ 1 పరీక్ష పై దాఖలైన పిటిషన్లను విచారించాలని తెలంగాణ హై కోర్టుకు ఆదేశం

• గ్రూప్ 1 పరీక్ష ఫలితాలు విడుదలకు ముందే కేసు చేపట్టాలని హైకోర్టు సూచన

• గ్రూప్ వన్ పరీక్ష ఫలితాలు తుది తీర్పుకు లోబడే ఉంటాయని హైకోర్టు స్పష్టీకరణ

• హైకోర్టు మధ్యంతర ఉత్తర్వులను పరిగణనలోకి తీసుకున్నాం

• గ్రూప్ వన్ విద్యార్థుల అప్లికేషన్‌లో జోక్యం చేసుకోవడం లేదు: సుప్రీం కోర్టు

• నవంబర్ 20వ తేదీన హైకోర్టులో తదుపరి విచారణ

• గ్రూప్ వన్ పరీక్ష ఫలితాలు వెలువడక ముందే నవంబర్ 20 కల్లా హైకోర్టు కేసు విచారణ చేపట్టాలి

పవన్ కల్యాణ్‍కు సిటీ సివిల్ కోర్టు సమన్లు

• హైదరాబాద్: ఏపీ డిప్యూటీ సీఎం పవన్ కల్యాణ్‌కు కోర్టు సమన్లు

• జనవరిలో అయోధ్యకు పంపిన తిరుమల లడ్డూలో కల్తీ నెయ్యి వాడినట్టు పవన్ కల్యాణ్ వ్యాఖ్యలు

• పవన్ చేసిన వ్యాఖ్యలు హిందువుల మనోభావాలు దెబ్బతీశాయని న్యాయవాది ఇమ్మనేని రామారావు పిటిషన్, విచారణకు స్వీకరించిన కోర్టు

• తిరుమల లడ్డూ తయారీలో జంతు కొవ్వు పదార్థాలు కలిశాయని పవన్ కల్యాణ్ ఆరోపణలు

• ఆరోపణలకు సంబధించి నోటీసులు జారీ చేసిన సిటీ సివిల్ కోర్టు ప్రధాన న్యాయమూర్తి వై రేణుక

• నవంబర్ 22వ తేదీన వ్యక్తిగతంగా విచారణకు హాజరు కావాలని పవన్ కల్యాణ్, తెలంగాణ సీఎస్ శాంతి కుమారికి కోర్టు సమన్లు

• తిరుమల లడ్డూ వివాదం గురించి పవన్ కల్యాణ్ చేసిన వ్యాఖ్యలను సోషల్ మీడియా, వెబ్‍సైట్లు, యూట్యూబ్ చానెళ్ల నుంచి

• తొలగించేలా ప్రభుత్వ శాఖలకు ఆదేశాలు ఇవ్వాలని కోర్టును కోరిన పిటిషనర్

కోనసీమ జిల్లాలో ఘరానా మోసం

• నిరుద్యోగులను ఇజ్రాయిల్ పంపుతామని రూ.1.50 కోట్లు వసూల్

• లక్షల్లో సంపాదన వచ్చేలా చేస్తానని 31 మందిని మోసం

• విశ్వాసుల ప్రార్ధన మందిరం పేరుతో సంఘం నడుపుతూ డబ్బు వసూల్ చేసిన పాస్టర్

• బాధితులంతా అమలాపురం, అల్లవరం, రాజోలు, గన్నవరం, ఒంగోలుకు చెందినవారే

• డబ్బులు లేదంటే ఉద్యోగం అడిగితే చంపేస్తామని బెదిరింపులు.. ఆ తర్వాత పరారైన పాస్టర్

• పాస్టర్ పరారవడంతో జిల్లా కలెక్టర్, ఎస్పీకి ఫిర్యాదు చేసిన బాధితులు

గ్రూప్-1 పరీక్ష ప్రారంభం..

• తెలంగాణ వ్యాప్తంగా గ్రూప్-1 పరీక్ష ప్రారంభం

• బేగంపేటలోని ఓ పరీక్షా కేంద్రంలో గోడ దూకి లోపలకి వెళ్లిన గ్రూప్-1 అభ్యర్థి

• అదుపులోకి తీసుకున్న పోలీసులు

తిరుమలలో తెలంగాణ ఎమ్మెల్యే హాట్ కామెంట్స్..

• తిరుమల మాడ వీధుల్లో జడ్చర్ల ఎమ్మెల్యే అనిరుద్ రెడ్డి హాట్ కామెంట్స్

• బాధతో తిరుమల మాడ వీధుల్లో మాట్లాడుతున్నాను.

• తిరుమల దర్శనానికి తెలంగాణ లెటర్ లు అనుమతి ఇవ్వకపోవడం బాధాకరం

• డయల్ యువర్ ఈవోలో తెలంగాణ లెటర్లు అనుమతించబోమన్నారు.

• విభజన సమయంలో చంద్రబాబు రెండు ప్రాంతాలు రెండు కళ్లు అన్నారు

• చంద్రబాబు తెలంగాణ ఒక కన్ను ఆంధ్రా ఇంకో కన్ను అని మాట్లాడారు

• చంద్రబాబు ఒక కన్ను తీసేసుకున్నారా

• తెలంగాణలో యాదగిరిగుట్ట, భద్రాచలంలో ఏపీ నాయకులు ఇచ్చే లెటర్స్‌కు దర్శనాలు కల్పిస్తున్నాం

• తెలంగాణ విషయంలో ఎందుకు చిన్న చూపు చూస్తున్నారు

• సొంత మనుషులు, పార్టీ కార్యకర్తలు తిరుపతిలో రూమ్ ఇప్పించమని అడిగితే ఇవ్వాలని పరిస్థితి నెలకొంది.

• ఏపీలో వైసిపి ప్రభుత్వం అధికారంలో ఉంటే టీడీపీ వాళ్లు, టీడీపీ ప్రభుత్వం ఉంటే వైసీపీ వాళ్లు హైదరాబాద్‌లో ఆశ్రయం పొందుతారు

• ఏపీ వాళ్ళు హైదరాబాద్‌లో బిజినెస్ చేసుకున్నా ఏనాడు ఒక మాట అనలేదు.

• ఎమ్మెల్యేలమంతా ఏపీ వాళ్ళని రాష్ట్రానికి రావొద్దని తీర్మానం చేసుకుంటే బాధ మీకు తెలుస్తుంది.

• తెలంగాణ ప్రజాప్రతినిధుల లెటర్లు అనుమతించకపోతే అసెంబ్లీ సమావేశాల్లో తీసుకునే నిర్ణయాలతో భాధ పడాల్సివస్తుంది.

గ్రూప్-1 మెయిన్స్‌పై సుప్రీం తీర్పు

• గ్రూప్-1 మెయిన్స్‌పై సుప్రీం కోర్టు సంచలన తీర్పు

• పరీక్షల నిర్వహణలో జోక్యం చేసుకోలేమన్న సుప్రీం

• పిటిషన్‌ను తిరస్కరించిన న్యాయస్థానం

• పరీక్ష వాయిదాకు సుప్రీం నిరాకరణ

• ప్రస్తుత దశలో జోక్యం చేసుకోలేమన్న కోర్టు

హైకోర్టులో నటుడు అల్లు అర్జున్ పిటిషన్

• హైకోర్టులో నటుడు అల్లు అర్జున్ పిటిషన్

• ఎన్నికల సమయంలో నంద్యాలలో తనపై నమోదైన కేసును క్వాష్ చేయాలని పిటిషన్ వేసిన అల్లు అర్జున్

• విచారణకు స్వీకరించిన హైకోర్టు

• ఈ రోజు కేసులు విచారణ జాబితాలో 176వ నంబర్ గా ఉన్న అల్లు అర్జున్ పిటిషన్

కేటీఆర్ హౌస్ అరెస్ట్

• బీఆర్ఎస్ నేతల‌ ఇళ్ళ వద్ద పోలీసుల పహారా

• నందినగర్ బీఆర్ఎస్ వర్కింగ్ ప్రెసిడెంట్ కేటీఆర్ నివాసం వద్ద పోలీసుల మోహరింపు

• ఆర్ఎస్ ప్రవీణ్ కుమార్, ఇతర బీఆర్ఎస్ నేతల నివాసం వద్ద మోహరించిన పోలీసులు

• కాసేపట్లో గ్రూప్-1 మెయిన్స్ పరీక్షల నేపథ్యంలో అప్రమత్తమైన పోలీసులు

• గ్రూప్-1 మెయిన్స్ పరీక్షను వాయిదా వేయాలని డిమాండ్ చేస్తున్న బీఆర్ఎస్

• అప్రమత్తమైన పోలీసు

హైకోర్టులో సజ్జల పిటిషన్..

• తనపై ప్రభుత్వం విడుదల చేసిన లుక్‌ అవుట్ నోటీసులను హైకోర్ట్‌లో సవాల్ చేసిన ప్రభుత్వ మాజీ సలహదారుడు సజ్జల రామకృష్ణారెడ్డి

• పిటిషన్‌పై హైకోర్ట్‌లో విచారణ

• హైకోర్ట్ తొందరపాటు చర్యలు తీసుకోవద్దని చెప్పినా LOC విడుదల చేయడం కోర్ట్ ధిక్కారం కిందకు వస్తుందని వాదించిన సజ్జల తరపు న్యాయవాది

• కోర్ట్ ధిక్కారం కిందకు వస్తుందా? రాధా? అనేది బెయిల్ పై విచారణ సమయంలో నిర్ణయిస్తారని పేర్కొన్న హైకోర్ట్

• పిటిషన్ సంబధిత బెంచ్ కు పంపేందుకు చీఫ్ జస్టిస్ ముందు ఉంచాలని రిజిస్ట్రీ నీ ఆదేశించిన హైకోర్టు

గాంధీ ఆసుపత్రిలో దారుణం

• హైదరాబాద్ గాంధీ ఆసుపత్రిలో దారుణం

• రెండు రోజుల నుంచి మంచినీటి కొరత

• అవస్థలు పడుతున్న రోగులు

• రెండు రోజుల నుంచి స్నానం చేయని రోగులు సహాయకులు

• మంచినీటి మోటారుకు మరమ్మతులు చేయించని వైనం

ముగిసిన పోలీస్ కస్టడీ

• ముగిసిన మాజీ ఎంపీ నందిగం సురేష్ పోలీస్ కస్టడీ

• తుళ్లూరు మండలం వెలగపూడి కి చెందిన మరియమ్మ హత్య కేసులో కస్టడీ విచారణ

• నందిగం సురేషష్‌ను రెండు రోజుల పాటు విచారించిన తుళ్ళూరు పోలీసులు.

• విచారణ అనంతరం నందిగం సురేష్‌ను కోర్టుకు హాజరపర్చిన తుళ్లూరు పోలీసులు,

• వచ్చే నెల నాలుగో తేదీ వరకు రిమాండ్ విధించిన మంగళగిరి కోర్టు

• జిల్లా జైలుకు మాజీ ఎంపీ నందిగం సురేష్ తరలింపు

తిరుమలలో హెలికాఫ్టర్ కలకలం..

• తిరుమల..శ్రీవారి ఆలయానికి సమీపం నుంచి వెళ్లిన హెలికాప్టర్

• గత కొంత కాలంగా..తరుచుగా తిరుమలపై నుంచి వెళ్తున్న విమానాలు..

• ఆగమ నిబంధనలకు విరుద్దంగా హెలికాప్టర్ వెళ్లడంపై భక్తుల ఆవేదన

సుప్రీంలో ఏపీ ప్రభుత్వం పిటిషన్

• టీడీపీ కార్యాలయం, చంద్రబాబు నివాసంపై దాడి కేసులో దేవినేని అవినాశ్, జోగి రమేశ్‌తో సహా మిగతా నిందితులు విచారణకు సహకరించడంలేదంటూ సుప్రీంకోర్టులో ఏపీ ప్రభుత్వం పిటిషన్

• ఏపీ ప్రభుత్వం వేసిన పిటిషన్ పై విచారణ జరిపిన జస్టిస్ సుధాంశు దులియా ధర్మాసనం

• విచారణకు సహకరించాలంటూ గతంలో నిందితులకు మధ్యంతర రక్షణ కల్పించిన సుప్రీం ధర్మాసనం

• నిందితులు విచారణాధికారులకు సహకరించడంలేదంటూ ప్రభుత్వం తరపున పిటిషన్

• విచారణకు పూర్తిగా సహకరిస్తున్నామని, పాస్ పోర్టులను సరెండర్ చేశామని కోర్టుకు తెలిపిన అవినాశ్, జోగి రమేశ్ తరపు న్యాయవాదులు

• తదుపరి విచారణను డిసెంబర్ 17కి వాయిదా

పోలీస్ అమరవీరులకు పవన్ నివాళులు

• శాంతిభద్రతల పరిరక్షణలో పోలీసు సిబ్బంది త్యాగాలు మరువలేనివి

• అమరులైన పోలీసులకు మనస్ఫూర్తిగా అంజలి ఘటిస్తున్నాను

• పోలీసు అమర వీరుల సంస్మరణ సందర్భంగా సిబ్బంది సేవలను ప్రతి ఒక్కరూ గుర్తు చేసుకోవాలి.

• పోలీసులు వ్యక్తిగత జీవితం కంటే తమ విధులకు ఎక్కువ సమయం కేటాయిస్తారు

• విధి నిర్వహణలో ఎన్నో ఒత్తిళ్లను ఎదుర్కొంటున్నారు.

• గత పాలకులు పోలీసు శాఖను తమ రాజకీయ అవసరాలకే ఎక్కువగా వినియోగించుకున్నారు.

• ఫలితంగా ఉన్నత స్థాయి అధికారుల నుంచి క్షేత్ర స్థాయి సిబ్బంది వరకూ ఇబ్బందులు చవి చూశారు

• ముఖ్యమంత్రి చంద్రబాబు నేతృత్వంలోని కూటమి ప్రభుత్వంలో పోలీసు శాఖ సమర్థంగా పని చేస్తోంది

విశాఖ చేరుకున్న పవన్ కళ్యాణ్..

• విశాఖపట్టణం ఎయిర్‌పోర్ట్‌కు చేరుకున్న జనసేన పార్టీ అధ్యక్షులు పవన్ కళ్యాణ్

• ఎయిర్‌పోర్టులో ఘన స్వాగతం పలికిన కూటమి పార్టీ నేతలు, కార్యకర్తలు

• విశాఖ ఎయిర్‌పోర్ట్ నుంచి రోడ్డు మార్గాన విజయనగరం జిల్లా గార్ల గ్రామానికి పవన్ కళ్యాణ్

• గార్ల గ్రామంలో డయేరియాతో చనిపోయిన బాధిత కుటుంబాలను పరామర్శించనున్న డిప్యూటీ సీఎం పవన్ కళ్యాణ్

కొండ చిలువ కలకలం

• మంగళగిరి మండలం నవులూరులో కొండ చిలువ కలకలం .

• రెండు రోజుల క్రితం ఉండవల్లిలో ఓ కొండ చిలువను చంపిన స్దానికులు

• వరుసగా కొండ చిలవల సంచారంతో మంగళగిరి నియోజకవర్గ ప్రజల్లో భయాందోళన

టీడీపీ, జనసేన వర్గాల మధ్య ఘర్షణ

• క్రోసూరు మండలం గాదెవారిపాలెం గ్రామంలో టీడీపీ -జనసేన వర్గాల మధ్య ఘర్షణ

• సైడ్ కాలువలు వివాదంలో ఘర్షణ పడ్డ ఇరు పార్టీల కార్యకర్తలు

• రాళ్లు, కర్రలతో దాడులకు తెగబడ్డ ఇరు వర్గాలు

• ఆరుగురికి గాయాలు

• సత్తెనపల్లి ప్రభుత్వ ఆసుపత్రిలో చికిత్స పొందుతున్న క్షతగాత్రులు

అనకాపల్లిలో..

• అనకాపల్లి జిల్లా ఎస్పీ కార్యాలయంలో పోలీసు అమరవీరుల సంస్మరణ కార్యక్రమం

• విధి నిర్వహణలో మృతి చెందిన పోలీసులకు నివాళులర్పించిన అనకాపల్లి జిల్లా కలెక్టర్ కె విజయ్ కృష్ణన్, అడిషనల్ ఎస్పీ ప్రసాద్, ఇతర పోలీస్ ఉన్నత అధికారులు

అమరవీరులకు సీఎం నివాళులు..

• విజయవాడలో పోలీసు అమరవీరుల సంస్కరణ కార్యక్రమం

• అమరవీరుల స్థూపానికి సీఎం చంద్రబాబు, హోంమంత్రి అనిత, డీజీపీ ద్వారక తిరుమలరావు నివాళులు

• పోలీసుల నుంచి గౌరవ వందనం స్వీకరించిన ముఖ్య మంత్రి చంద్రబాబు, హోం మంత్రి అనిత

ఇంటర్ విద్యార్థి ఆత్మహత్య

• నారాయణ కాలేజీలో ఇంటర్ ఫస్టియర్ విద్యార్థి ఆత్మహత్య

• బాచుపల్లి నారాయణ కాలేజీలో ఘటన