Whatsapp: వాట్సాప్ నుంచి క్రేజీ అప్‌డేట్.. ఇకపై స్టేటస్ టైం..

ప్రముఖ సోషల్ మీడియా చాటింగ్ ప్లాట్ ఫాం వాట్సాప్(whatsapp) నుంచి మరో క్రేజీ ఫీచర్ రాబోతుంది. ప్రస్తుతం 30 సెకన్ల వాట్సాప్ స్టేటస్ ఫీచర్(status feature) ఉండగా, అది త్వరలో 60 సెకన్లకు పెంచుతాయని టెక్ వర్గాలు చెబుతున్నాయి. యాప్ బీటా వెర్షన్‌లో ఇప్పటికే పరీక్షిస్తున్నట్లు WABetaInfo వెల్లడించింది. దీంతో పొడవైన 60 సెకన్ల స్టేటస్ అప్‌డేట్‌లను యాక్సెస్ చేయడానికి వినియోగదారులకు అవకాశం ఉంటుందని తెలిపింది. అందుకోసం కొత్త వాట్సాప్ బీటా వెర్షన్‌ను కూడా ఇన్‌స్టాల్ చేయాల్సి ఉంటుందని చెప్పింది.

అయితే ఈ ఫీచర్(feature) మరికొన్ని వారాల్లో వినియోగదారులకు అందుబాటులోకి వస్తుందని టెక్ వర్గాలు చెబుతున్నాయి. ఆ క్రమంలో స్టేటస్ అప్‌డేట్‌ల ద్వారా షేర్ చేయబడిన పొడవైన వీడియోలను వీక్షించడానికి వినియోగదారులు వాట్సాప్‌ను అప్‌డేట్ చేయాల్సి ఉంటుందని వెల్లడించింది. ఈ సౌకర్యాన్ని వినియోగదారుల ఇష్టం ప్రకారం ఉపయోగించుకోవచ్చని పేర్కొన్నారు. ఈ స్టేటస్ వీడియోల సమయాన్ని పెంచాలని అనేక మంది నుంచి వచ్చిన అభ్యర్థన మేరకు ఈ నిర్ణయం తీసుకున్నట్లు తెలుస్తోంది.

దీంతో పాటు సులభంగా QR చెల్లింపులను(qr payments) సులభతరం చేయడానికి కూడా వాట్సాప్ కృషి చేస్తోంది. మెసేజింగ్ యాప్ మీ QR కోడ్‌ను చాట్‌ల ట్యాబ్ నుంచి నేరుగా షేర్ చేయడానికి మిమ్మల్ని అనుమతించనుంది. మీరు దీన్ని చేయడానికి సెట్టింగ్‌లకు వెళ్లాలి. కొత్త అప్‌డేట్‌తో ఇది మరింత సరళంగా ఉంటుంది. దీనికి అదనంగా మీరు మీ QR కోడ్‌ను షేర్ చేసినప్పుడు WhatsApp మీ ఫోన్ నంబర్‌కు బదులుగా మీ వినియోగదారు పేరును ప్రదర్శిస్తుంది. ఈ ఫీచర్ కూడా మరికొన్ని రోజుల్లో అమల్లోకి రానుంది.

మరిన్ని తాజా వార్తల కోసం ఇక్కడ క్లిక్ చేయండి: Ad Revenue Program: ఎక్స్ ప్లాట్‌ఫారమ్‌లో ఇన్ కం ప్రొగ్రామ్‌.. 1,50,000 క్రియేటర్లకు ఇప్పటికే రూ.373 కోట్లు చెల్లింపు