ఇంటర్నెట్: సరైన మొబైల్ ప్లాన్‌ను ఎంచుకోవడం ప్రస్తుతం ప్రతీ ఒక్కరి ముందున్న పెద్ద టాస్క్. అందుబాటు ధరలు వాటివల్ల ఓనగూరే ప్రయోజనాల మధ్య సమతుల్యత సాధించడం చాలా కీలకం. నెలవారీ రీఛార్జ్‌లు గజిబిజిగా ఉండటం మరింత గందరగోళాన్ని సృష్టిస్తుంది. ఇది ఎక్కువ కాలం చెల్లుబాటు అయ్యే ప్లాన్‌లను ఎంచుకోవడానికి వినియోగదారులను ప్రేరేపిస్తుంది. ఎయిర్‌టెల్, రిలయన్స్ జియో దీర్ఘకాలిక ప్లాన్‌ గురించి ఈ వార్తలో తెలుసుకుందాం. ఇది ఆయా ప్లాన్లు ఫీచర్లు, తేడాలను హైలైట్ చేస్తుంది.

ఎయిర్‌టెల్ రూ.519 ప్లాన్

ఎయిర్‌టెల్ 60 రోజుల వ్యాలిడిటీతో రూ.519 ప్లాన్‌ను అందిస్తోంది. వినియోగదారులు అపరిమిత వాయిస్ కాలింగ్, రోజుకు 100 SMS, 90GB డేటాను పొందుతారు. అంటే రోజుకు 1.5GBకి సమానం. ఎయిర్‌టెల్ సబ్‌స్క్రైబర్‌లు అపోలో 24/7 సర్కిల్, ప్రీ-హలోట్యూన్స్, రూ. 100 ఫాస్టాగ్ క్యాష్‌బ్యాక్, కాంప్లిమెంటరీ వింక్ మ్యూజిక్ సబ్‌స్క్రిప్షన్ వంటి అదనపు బెనిఫిట్స్ పొందారు.

Whatsup: వాట్సప్ నుంచి అదిరిపోయే అప్‌డేట్.. పర్సనల్ చాట్‌లను అందులో కూడా లాక్ చేయొచ్చు

జియో రూ.529 ప్లాన్

జియో రూ. 529 రీఛార్జ్ ప్లాన్‌ను ప్రవేశపెట్టింది. ఇది 56 రోజుల చెల్లుబాటులో వస్తుంది. మొత్తం 84 జీబీ డేటా అందించనుండగా.. రోజుకు 1.5GB చొప్పున వస్తుంది. దీంతోపాటు వినియోగదారులు అన్ని టెలికాం నెట్‌వర్క్‌లలో రోజువారీ 100 SMS, ఉచిత కాలింగ్ సదుపాయాలను పొందుతారు. జియో అపరిమిత 5G డేటా యాక్సెస్‌తో పాటు జియో సావ్న్ ప్రో సబ్‌స్క్రిప్షన్, జియో సూట్‌ సబ్‌స్క్రైబర్‌లకు యాక్సెస్‌ను అందిస్తుంది.

ప్రయోజనాల పోలిక

రెండు ప్లాన్‌లు ఒకే రకమైన డేటా, కాలింగ్ ప్రయోజనాలను అందిస్తాయి. అయితే Airtel రూ. 519 ప్లాన్ మరింత సరసమైనదిగా, ఫీచర్-రిచ్‌గా ఉంది. రెండు ప్లాన్లకు రూ. 10 వ్యత్యాసం ఉన్నప్పటికీ, ఎయిర్‌టెల్ అపోలో 24/7 సర్కిల్, ప్రీ-హలోట్యూన్స్, వింక్ మ్యూజిక్ సబ్‌స్క్రిప్షన్, ఫాస్టాగ్ క్యాష్‌బ్యాక్ వంటి అదనపు బెనిఫిట్స్ అందిస్తుంది. డబ్బుకు విలువను కోరుకునే వినియోగదారులకు ఇది లాభదాయకమైన ఎంపిక. అయితే వినియోగదారుల ప్రాధాన్యత ఆధారంగా అవసరమైన రీఛార్జ్ చేసుకోవడం మంచిది.

మరిన్ని వార్తల కోసం ఇక్కడ క్లిక్ చేయండి