IPL 2024: నేడు RR vs RCB మ్యాచ్.. ఇక ప్లేఆఫ్‌ ఛాన్స్ కష్టమేనా

ఐపీఎల్ 2024(IPL 2024)లో ఈరోజు రాజస్థాన్ రాయల్స్(Rajasthan Royals), రాయల్ ఛాలెంజర్స్ బెంగళూరు(Royal Challengers Bengaluru) జట్లు 19వ మ్యాచ్‌లో తలపడనున్నాయి. జైపూర్‌లోని సవాయ్ మాన్‌సింగ్ స్టేడియంలో ఇరు జట్ల మధ్య ఈ మ్యాచ్ రాత్రి 7.30 గంటలకు జరగనుంది. రాజస్థాన్ ఈ సీజన్‌లో ఇప్పటి వరకు మూడు మ్యాచ్‌లు ఆడి మూడింటిలో విజయం సాధించగా, బెంగళూరు 4 మ్యాచ్‌లు ఆడి 1 విజయం మాత్రమే సాధించింది. ఇలాంటి పరిస్థితుల్లో వీరిద్దరి మధ్య జరిగిన పోటీ రసవత్తరంగా ఉండనుంది. ఇక ఈ మ్యాచులో గూగుల్ గెలుపు అంచనా ప్రకారం రాజస్థాన్ రాయల్స్ జట్టు 55 శాతం గెలిచే అవకాశం ఉండగా, రాయల్ ఛాలెంజర్స్ బెంగళూరు జట్టు 45 శాతం గెలిచే ఛాన్స్ ఉందని తెలిపింది.

RCB టాప్ ఆర్డర్‌లో కెప్టెన్ ఫాఫ్ డుప్లెసిస్, గ్లెన్ మాక్స్‌వెల్, కామెరాన్ గ్రీన్, రజత్ పాటిదార్ వంటి గొప్ప బ్యాట్స్‌మెన్‌లను కలిగి ఉంది, కానీ ఎవరూ రాణించలేకపోయారు. స్టార్ బ్యాట్స్‌మెన్ విరాట్ కోహ్లీ(virat kohli) రెండు అర్ధ సెంచరీలతో సహా 203 పరుగులు చేసి ఆరెంజ్ క్యాప్‌ను గెలుచుకున్నాడు. అయితే కోహ్లీకి మరో ఎండ్ నుంచి సపోర్ట్ లభించడం లేదు. ఈ నేపథ్యంలో నేటి మ్యాచులోనైనా ఆకట్టుకుంటారో లేదా అనేది చూడాలి. ఈ మ్యాచులో కూడా RCB ఓడితే ఇక ప్లే ఆఫ్ ఆశలు కష్టమేనని చెప్పవచ్చు. ప్రస్తుతం టాప్ 5లో కేకేఆర్, ఆర్ఆర్, CSK, LSG, SRH జట్లు ఉన్నాయి.

రాజస్థాన్ రాయల్స్(Rajasthan Royals) జట్టులో యశస్వి జైస్వాల్, జోస్ బట్లర్, సంజు శాంసన్ (కెప్టెన్, వికెట్ కీపర్), ర్యాన్ పరాగ్, రవిచంద్రన్ అశ్విన్, ధ్రువ్ జురెల్, షిమ్రాన్ హెట్మెయర్, ట్రెంట్ బౌల్ట్, నాంద్రే బెర్గర్, యుజ్వేంద్ర చాహల్, అవేష్ ఖాన్ ఉన్నారు.

రాయల్ ఛాలెంజర్స్ బెంగళూరు(Royal Challengers Bengaluru) జట్టులో ఫాఫ్ డు ప్లెసిస్ (కెప్టెన్), విరాట్ కోహ్లీ, రజత్ పాటిదార్, కామెరాన్ గ్రీన్, గ్లెన్ మాక్స్‌వెల్, అనుజ్ రావత్, దినేష్ కార్తీక్ (వికెట్ కీపర్), మహ్మద్ సిరాజ్, యశ్ దయాల్, మయాంక్ దాగర్, రీస్ టాప్లీ కలరు.

ఇది కూడా చదవండి:

Hyd to Goa: కేవలం రూ.425తోనే గోవా ట్రిప్.. మీ వారితో కలిసి చుట్టేయండి

సన్‌రైజర్స్‌ అదే జోరు

IPL 2024 - Revanth Reddy: ఉప్పల్ క్రికెట్ స్టేడియంలో సీఎం రేవంత్ రెడ్డి.. పక్కనే స్టార్ తెలుగు హీరో

మరిన్ని క్రీడా వార్తల కోసం