Funny Video: ట్రాఫిక్ జామ్‌.. కార్ల హార్న్ శబ్దాలు భరించలేని ఓ వ్యక్తి బయటకు వచ్చి ఏం చేశాడో చూడండి..
ABN , Publish Date - Apr 01 , 2024 | 04:34 PM
మీరు ఆఫీస్‌కో, ఏదైనా అర్జెంట్ పని మీద బయటకో వెళుతూ ట్రాఫిక్ జామ్‌లో ఇరుక్కుపోతే ఎలా ఉంటుంది? ట్రాఫిక్ ఎప్పుడు క్లియర్ అవుతుందో తెలియక టెన్షన్, కోపం రావడం సహజం.
మీరు ఆఫీస్‌కో, ఏదైనా అర్జెంట్ పని మీద బయటకో వెళుతూ ట్రాఫిక్ జామ్‌ (Traffic Jam)లో ఇరుక్కుపోతే ఎలా ఉంటుంది? ట్రాఫిక్ ఎప్పుడు క్లియర్ అవుతుందో తెలియక టెన్షన్, కోపం రావడం సహజం. ఆ సమయంలో ఏం చేయాలో అర్థం కాక చాలా మంది కార్ హార్న్ మోగిస్తూనే ఉంటారు. ట్రాఫిక్‌లో కార్ హార్న్‌ల (Car Horn) మోతతో చిరాకెత్తిన ఓ వ్యక్తి తన కారు నుంచి దిగి ఏం చేశాడో చూస్తే నవ్వకుండా ఉండలేరు. ఆ వీడియో సోషల్ మీడియాలో వైరల్‌గా మారింది (Viral Video).
bekmuhammad_0fficial అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో కొన్ని కార్లు ట్రాఫిక్ సిగ్నల్ ముందు ఆగి ఉన్నాయి. ఎంతసేపటికీ ట్రాఫిక్ క్లియర్ కాకపోవడంతో అందరూ కార్ల హార్న్ మోగిస్తున్నారు. ఇంతలో ఓ వ్యక్తి తన కార్ నుంచి బయటకు దిగాడు. ముందు కాస్త ఆగ్రహంగా కనిపించాడు. ఆ తర్వాత కార్ హార్న్‌ల మోతకు అనుగుణంగా డ్యాన్స్ (Dance) వేశాడు. శబ్దాలకు అనుగుణంగా తన చేతులు ఊపుతూ ఫన్నీ డ్యాన్స్ (Funny Dance) చేశాడు.
ఈ ఫన్నీ వీడియో సోషల్ మీడియాలో వైరల్‌గా మారింది. ఈ వైరల్ వీడియోను దాదాపు 50 లక్షల మంది వీక్షించారు. 4.5 లక్షల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ఎలాంటి చెడు పరిస్థితుల్లో అయినా మన ట్యాలెంట్‌ను ప్రదర్శించవచ్చు``, ``ఒక్కసారిగా అందరి మూడ్ మారిపోయి ఉంటుంది``, ``ఆ వ్యక్తి డ్యాన్స్ అద్భుతం`` అంటూ నెటిజన్లు కామెంట్లు చేశారు.
