రామోజీరావుకు ప్రముఖుల నివాళి..

హైదరాబాద్: ఈనాడు సంస్థల చైర్మన్ రామోజీరావు తుదిశ్వాస విడిచారు. గత కొంతకాలంగా అనారోగ్యంతో బాధపడుతున్న ఆయన ఆరోగ్య పరిస్థితి విషమించడంతో కుటుంబసభ్యులు నానాక్‌రాంగూడలోని ఆసుపత్రికి తరలించారు. వెంటనే వైద్యులు చికిత్సను ప్రారంభించారు. ఈ క్రమంలో రామోజీరావు ఆరోగ్య పరిస్థితి మరింత క్షీణించింది. దీంతో ఆయన శనివారం తెల్లవారుజామున మృతి చెందారు. ప్రముఖుల, ప్రజల సందర్శనార్థం కుటుంబసభ్యులు ఫిల్మ్‌సిటీలోని ఆయన నివాసానికి పార్థివ దేహాన్ని తరలించారు.