వనపర్తి జిల్లా కేంద్రంలో బతుకమ్మ సంబురాలు..

వనపర్తి జిల్లా: తెలంగాణ సంస్కృతి, సంప్రదాయాలకు అద్దంపట్టే బతుకమ్మ వేడుకలు వైభవంగా జరుగుతున్నాయి. తీరొక్క పూలతో చేసిన బతుకమ్మలతో పల్లెలు, పట్టణాలన్నీ వర్ణరంజితమయ్యాయి. బతుకమ్మ వేడుకల్లో భాగంగా వనపర్తి జిల్లా కేంద్రంలోని కలెక్టరేట్ కార్యాలయ ప్రాంగణంలో ప్రభుత్వ ఆదేశాల మేరకు కలెక్టర్ ఆదర్శ్ సురభి బతుకమ్మ వేడుకల్లో పాల్గొని పూజలు నిర్వహించారు. వివిధ శాఖల అధికారులు. వివిధ సంఘాల మహిళలు బతుకమ్మ వేడుకల్లో పాల్గొని బతుకమ్మ పాటలు పాడుతూ నృత్యాలు చేశారు.