PM Modi: సంప్రదాయ పంచెకట్టులో మోదీ.. ఢిల్లీలో ఘనంగా సంక్రాంతి వేడుకలు

ఢిల్లీ: ప్రధాని మోదీ(PM Modi) దేశ రాజధాని ఢిల్లీలో సంక్రాంతి వేడుకల్లో పాల్గొన్నారు. కేంద్ర మంత్రి ఎల్ మురుగన్ నివాసంలో జరిగిన పొంగల్ వేడుకల్లో ఆయన, పలువురు ప్రముఖులతో కలిసి హాజరయ్యారు. ఈ సందర్భంగా మోదీ దక్షిణ భారతానికి చెందిన సంప్రదాయ పంచెకట్టుతో ఆకట్టుకున్నారు. ఈ సందర్భంగా ఆయన ప్రత్యేక పూజలు నిర్వహించారు. ఇందుకు సంబంధించిన వీడియోలు సోషల్ మీడియాలో వైరల్ గా మారాయి. వీడియోలో మోదీ నల్లకోటుతో, తెలుపు రంగు లుంగీ ధరించి ఉన్నారు.

ఎడమ భుజంపై శాలువా వేసుకున్నారు. ఈ కార్యక్రమంలో పుదుచ్చేరి లెఫ్టినెంట్ గవర్నర్, తెలంగాణ గవర్నర్ తమిళిసై సౌందర రాజన్ తో పాటు పలువురు బీజేపీ నేతలు హాజరయ్యారు. ఈ సందర్భంగా మోదీ గోమాతకు పూలమాల వేసి పూజలు చేశారు. దేశ ప్రజలందరికీ సంక్రాంతి శుభాకాంక్షలు తెలిపారు. సంక్రాంతి పండుగ అందరి ఇళ్లలో సుఖశాంతులు తీసుకువస్తుందని ఆకాంక్షించారు.