Group 4 Merit List: గ్రూప్ 4 మెరిట్ లిస్ట్ విడుదల.. ఈ ప్రాంతాల్లోనే సర్టిఫికెట్ వెరిఫికేషన్
ABN , Publish Date - Jun 10 , 2024 | 09:55 AM
తెలంగాణ రాష్ట్ర పబ్లిక్ సర్వీస్ కమిషన్ (TSPSC) గ్రూప్4 ఉద్యోగాల కోసం గతంలో ఎగ్జామ్ నిర్వహించగా, తాజాగా అందుకు సంబంధించిన మెరిట్ జాబితాను(Group 4 Merit List) ప్రకటించారు. అభ్యర్థులు ఇక్కడ క్లిక్ చేసి మెరిట్ జాబితాను డౌన్‌లోడ్ చేసుకోవచ్చు.
తెలంగాణ రాష్ట్ర పబ్లిక్ సర్వీస్ కమిషన్ (TSPSC) గ్రూప్4 ఉద్యోగాల కోసం గతంలో ఎగ్జామ్ నిర్వహించగా, తాజాగా అందుకు సంబంధించిన మెరిట్ జాబితాను(Group 4 Merit List) ప్రకటించారు. అభ్యర్థులు ఇక్కడ క్లిక్ చేసి మెరిట్ జాబితాను డౌన్‌లోడ్ చేసుకోవచ్చు. దీనిలో ఎంపికైన అభ్యర్థులకు సర్టిఫికేట్ వెరిఫికేషన్ ప్రక్రియను నిర్వహించనున్నారు. మెరిట్ జాబితా ప్రకారం ఒక్కో పోస్టుకు ముగ్గురు చొప్పున సర్టిఫికెట్ వెరిఫికేషన్ కోసం అభ్యర్థులను ఎంపిక చేశారు. 8039 ఖాళీల కోసం గ్రూప్ 4 నోటిఫికేషన్ 2022లో విడుదలైంది.
ఇక సర్టిఫికెట్ వెరిఫికేషన్ హైదరాబాద్‌లో రెండు వేదికలలో జరగనుంది. ఒకటి TSPSC భవన్, రెండోది నాంపల్లిలోని శ్రీపొట్టి శ్రీరాములు తెలుగు విశ్వవిద్యాలయంలో నిర్వహించనున్నారు. అభ్యర్థులకు రోజు వారీ షెడ్యూల్ త్వరలో తెలియజేస్తారు. అభ్యర్థులు నోటిఫికేషన్‌లో పేర్కొన్న ప్రాథమిక సమాచారం ఆధారంగా అప్లికేషన్ PDF, హాల్ టికెట్, SSC మెమో సహా ఇతర స్వీయ ధృవీకరించబడిన ఫోటోకాపీల సెట్‌తో పాటు ఒరిజినల్ సర్టిఫికేట్‌లను తప్పనిసరిగా తీసుకురావాల్సి ఉంటుంది.
వెబ్ ఆప్షన్
అభ్యర్థులకు కీలకమైన వెబ్ ఆప్షన్‌ల ఎంపిక జూన్ 13, 2024 నుంచి TSPSC వెబ్‌సైట్‌లో అందుబాటులో ఉండనుంది. ఈ విధానం ద్వారా అభ్యర్థులు జిల్లాలు, పోస్టుల వారీగా ఆప్షన్లను ఎంచుకోనున్నారు. ఈ ప్రక్రియ చాలా ముఖ్యమైనది. అభ్యర్థులు తమ ఎంపికలను చేసేటప్పుడు చాలా జాగ్రత్తలు తీసుకోవాలి. చివరకు ఎంపికైన అభ్యర్థులు పంచాయతీ రాజ్, కమర్షియల్ ట్యాక్స్, రెవెన్యూ డిపార్ట్‌మెంట్‌తో సహా వివిధ విభాగాల్లో జూనియర్ అసిస్టెంట్‌గా పోస్ట్ చేయబడతారు.
ఇవి కూడా చదవండి..
Jobs: 9,995 ఉద్యోగాలకు నోటిఫికేషన్ విడుదల.. అప్లై చేశారా..
Bank Holidays: జూన్ 2024లో బ్యాంకు సెలవులు ఎన్ని రోజులో తెలుసా..ఈసారి ఏకంగా.
