IPOS Next Week: వచ్చే వారం వచ్చేస్తున్న 6 IPOలు.. మీరు సిద్ధమేనా?
ABN , Publish Date - Feb 25 , 2024 | 12:31 PM
IPOల సిరీస్ వచ్చే వారం కూడా కొనసాగుతుంది. అటువంటి పరిస్థితుల్లో పెట్టుబడిదారులు IPOలో పెట్టుబడి పెట్టడానికి అనేక అవకాశాలు ఉన్నాయి. ఆ విశేషాలేంటో ఇప్పుడు తెలుసుకుందాం.
IPO మార్కెట్ 2024 సంవత్సరంలో ఫుల్ స్వింగ్‌లో ఉంది. 2024 సంవత్సరంలో ఇప్పటివరకు చాలా IPOలు మార్కెట్‌లోకి వచ్చాయి. ఈ ఇష్యూల్లో కొన్ని ఇన్వెస్టర్లకు చాలా డబ్బును అందించగా, కొన్నింటిలో ఇన్వెస్టర్లు నష్టపోయారు. ఈ క్రమంలో ఫిబ్రవరి 26 నుంచి ప్రారంభమయ్యే వారంలో మరో ఆరు IPOలు ఉన్నాయి. ఆ వివరాలేంటో ఇప్పుడు చుద్దాం.
ఈ వారం మొత్తం 6 కంపెనీలు తమ ఐపీఓను ప్రారంభించబోతున్నాయి. వీటిలో 3 మెయిన్‌బోర్డ్ సెగ్మెంట్‌కు చెందినవి కాగా మిగతా మూడు IPOలు SME సెగ్మెంట్‌కు చెందినవి. మెయిన్‌బోర్డ్ IPOలలో ప్లాటినం ఇండస్ట్రీస్, ఎక్సికామ్ టెలి సిస్టమ్స్, భారత్ హైవేస్ ఇన్విట్ ఉన్నాయి. SME IPOలో పూర్వ ఫ్లెక్సీప్యాక్ ఓవైస్ మెటల్, మినరల్ ప్రాసెసింగ్, MVK ఆగ్రో ఫుడ్ ప్రొడక్ట్‌ల ఇష్యూలు ఉన్నాయి. ఇది కాకుండా ఈ వారం ఐదు కంపెనీల లిస్టింగ్ కూడా జరగబోతోంది. వీటిలో జునిపర్ హోటల్స్, GPT హెల్త్‌కేర్, డీమ్ రోల్ టెక్, జెనిత్ డ్రగ్స్, సాధవ్ షిప్పింగ్ కూడా ఉన్నాయి.
మరిన్ని తాజా వార్తల కోసం ఇక్కడ క్లిక్ చేయండి: మార్కెట్ అవకతవకలపై జాగ్రత్త
ఎక్సికామ్ టెలి సిస్టమ్స్
Axicom Tele Systems IPO ఫిబ్రవరి 27న ప్రారంభమై ఫిబ్రవరి 29న ముగుస్తుంది. దీని ప్రైస్ బ్యాండ్ ఒక్కో షేరుకు రూ.135-142. ఆఫర్ పరిమాణం రూ.429 కోట్లు. పెట్టుబడిదారులు ఒక లాట్‌లో 100 షేర్లను తీసుకోవచ్చు.
ప్లాటినం ఇండస్ట్రీస్
ఈ IPO ఫిబ్రవరి 27న తెరవబడుతుంది. ఫిబ్రవరి 29న ముగుస్తుంది. దీని ప్రైస్ బ్యాండ్ ఒక్కో షేరుకు రూ.162-171. ఇష్యూ ద్వారా కంపెనీ రూ.235 కోట్లు సమీకరించనుంది. దీనికి OFS లేదు. ప్లాటినం ఇండస్ట్రీస్ అనేది స్టెబిలైజర్‌ల తయారీ వ్యాపారంలో నిమగ్నమై ఉన్న బహుళ ఉత్పత్తి సంస్థ.
భారత్ హైవేస్ ఇన్విట్
భారత్ హైవేస్ ఇన్విట్ IPO ఫిబ్రవరి 28న ప్రారంభం కానుంది. ఆఫర్ ధర ఒక్కో షేరుకు రూ.98-100. 2500 కోట్లు సమీకరించాలని కంపెనీ భావిస్తోంది.
SME విభాగం
SME విభాగంలో పూర్వ ఫ్లెక్సీప్యాక్, ఒవైస్ మెటల్, మినరల్ ప్రాసెసింగ్ అండ్ MVK ఆగ్రో ఫుడ్ ప్రొడక్ట్స్ IPOలు వచ్చే వారం వస్తాయి. ఓవైస్ మెటల్ ఇష్యూ ఫిబ్రవరి 26న సబ్‌స్క్రిప్షన్ కోసం తెరవబడుతుంది. పూర్వ ఫ్లెక్సీపాక్ ఇష్యూ ఫిబ్రవరి 27 నుంచి ప్రారంభమవుతుంది. రెండు IPOలు కేవలం రూ. 40 కోట్లకు పైగానే సమీకరించాలని లక్ష్యంగా పెట్టుకున్నాయి. మరోవైపు MVK ఆగ్రో ఫుడ్ ప్రొడక్ట్స్ తన IPO ఫిబ్రవరి 29న ప్రారంభిస్తోంది. దీని ద్వారా సుమారు 66 కోట్ల రూపాయలను సమీకరించాలని యోచిస్తోంది.
