IndiGo: ప్రపంచంలో మూడో అతిపెద్ద ఎయిర్‌లైన్‌గా ఇండిగో..ఫస్ట్ ఏదంటే
ABN , Publish Date - Apr 10 , 2024 | 09:26 PM
భారతదేశానికి చెందిన ఇండిగో(IndiGo) ఎయిర్‌లైన్ అరుదైన ఘనతను సొంతం చేసుకుంది. మార్కెట్ విలువ(market capitalisation) పరంగా ప్రపంచంలోనే మూడో అతిపెద్ద విమానయాన సంస్థగా అవతరించింది. ఈ కంపెనీ మార్కెట్ క్యాప్ $17.6 బిలియన్లకు (సుమారు ₹1.47 లక్షల కోట్లు) చేరుకోవడంతో ఈ రికార్డును సాధించింది.
భారతదేశానికి చెందిన ఇండిగో(IndiGo) ఎయిర్‌లైన్ అరుదైన ఘనతను సొంతం చేసుకుంది. మార్కెట్ విలువ(market capitalisation) పరంగా ప్రపంచంలోనే మూడో అతిపెద్ద విమానయాన సంస్థగా అవతరించింది. ఈ కంపెనీ మార్కెట్ క్యాప్ $17.6 బిలియన్లకు (సుమారు ₹1.47 లక్షల కోట్లు) చేరుకోవడంతో ఈ రికార్డును సాధించింది. ఈ క్రమంలో సౌత్‌వెస్ట్ ఎయిర్‌లైన్స్‌ను వెనక్కి నెట్టి ఇండిగో ఈ స్థానాన్ని దక్కించుకుంది. మార్చి 10న ఈ సంస్థ షేర్లు 4.73% లాభంతో రూ.8,306 వద్ద ముగియడంతో ఈ ఘనతను సాధించింది.
డైరెక్టరేట్ జనరల్ ఆఫ్ సివిల్ ఏవియేషన్ (DGCA) తాజా డేటా ప్రకారం భారతదేశ విమానయాన రంగంలో ఇండిగో 60.2% వాటాను కలిగి ఉంది. ప్రయాణీకుల సంఖ్య పరంగా ఎయిర్ ఇండియా రెండవ స్థానంలో ఉంది, దాని వాటా 12.2%. ఇక టాటా గ్రూప్ కింద నడుస్తున్న ఎయిర్లైన్స్ మొత్తం వాటా 28.2%. అయితే గత ఏడాది మార్చిలో మార్కెట్ విలువ పరంగా గ్లోబల్ ఎయిర్లైన్స్ జాబితాలో ఇండిగో 14వ స్థానంలో ఉంది. ఇండిగో డిసెంబర్ 2023లో యునైటెడ్ ఎయిర్‌లైన్స్‌ను అధిగమించింది.
ఈ ఏడాది జనవరిలో ఎయిర్ చైనాను, ఫిబ్రవరిలో సింగపూర్ ఎయిర్లైన్స్(airlines)ను దాటేసింది. గత ఏడాది కాలంలో ఈ కంపెనీ షేర్లు 102.55% పెరగడంతో ఈ రికార్డును అందుకుంది. అంతేకాదు ఇది గత 6 నెలల్లో 50.25%, ఒక నెలలో 18.25%, ఈ సంవత్సరం జనవరి 1 నుంచి 27.78% పెరిగింది. ఇక ప్రపంచవ్యాప్తంగా ఎయిర్లైన్స్ జాబితాలో US ఆధారిత డెల్టా ఎయిర్లైన్స్ మొదటి స్థానంలో ఉంది. దీని మార్కెట్ విలువ $30.4 బిలియన్లు (దాదాపు ₹2.53 లక్షల కోట్లు). ర్యాన్ ఎయిర్ హోల్డింగ్స్ 26.5 బిలియన్ డాలర్ల (₹ 2.16 లక్షల కోట్లు) మార్కెట్ విలువతో రెండో స్థానంలో ఉంది.
ఇది కూడా చదవండి:
Airtel: ఎయిర్‌టెల్ యూజర్లకు షాకింగ్ న్యూస్.. ఎన్నికల తర్వాత..
EPFO: అమల్లోకి వచ్చిన ఈపీఎఫ్‌వో కొత్త రూల్స్.. ప్రయోజనాలు ఏంటంటే
మరిన్ని బిజినెస్ వార్తల కోసం
