Perni Nani: ఈసీ, డీజీపీకి పేర్ని నానిపై ఆంధ్ర పెన్షనర్స్ పార్టీ ఫిర్యాదు..

అమరావతి: మాజీ మంత్రి పేర్ని నానిపై రాష్ట్ర ప్రధాన ఎన్నికల అధికారి ఎంకే మీనాకు, డీజీపీకి ఆంధ్ర పెన్షనర్స్ పార్టీ అధ్యక్షుడు సుబ్బరాయన్ ఫిర్యాదు చేశారు. కౌంటింగ్ అంశంపై ఉద్యోగులను భయభ్రాంతులకు గురి చేసేలా మాజీ మంత్రి పేర్ని నాని మీడియాను ఉద్దేశించి మాట్లాడారన్నారు. ఈసీకి ఫిర్యాదు అనంతరం సుబ్బరాయన్ మీడియాతో మాట్లాడుతూ... ‘‘ప్రతి అధికారి ఇవ్వాల్టితో పని అయిపోయిందని అనుకుంటున్నారా? రేపు అనేది లేదా? ముందుంది ముసళ్ళ పండగ. ఇల్లు అలకగానే పండగ అనుకుంటున్నారా? ఎన్నాళ్ళు అలుకుతారు? నాలుగో తారీఖు వరకు అలుకుతారు ఆ తర్వాత ఏం చేస్తారు?’’ అని పేర్ని నానిని ప్రశ్నించారు. కౌంటింగ్‌లో పాల్గొని ఎన్నికల విధులు నిర్వహించే ఉద్యోగులను బెదిరిస్తున్నారన్నారు. తక్షణం దీనిపై ఎన్నికల సంఘం దృష్టి సారించి ఆయనపై క్రిమినల్ చర్యలు తీసుకోవాలని ఆంధ్ర పెన్షనర్స్ పార్టీ విజ్ఞప్తి చేశారు.

కూటమిదే పీఠం!

Read more AP News and Telugu News