Lust Stories-2: ``లస్ట్ స్టోరీస్-2`` చూస్తూ దొరికిపోయిన మేనేజర్.. ఆ ఉద్యోగి ఏం చేశాడో తెలిస్తే..
ABN , First Publish Date - 2023-07-07T20:06:23+05:30 IST
కరోనా తర్వాత చాలా ఇళ్లు ఆఫీస్లుగా మారిపోయాయి. చాలా మంది ఉద్యోగులు ఇళ్ల నుంచే వర్క్ చేస్తున్నారు. ఎవరి ఇంట్లో వారు ఉంటూనే మీటింగ్లకు హాజరవుతున్నారు. అయితే ఆ క్రమంలో చిన్న చిన్న పొరపాట్లు జరిగి పర్సనల్ విషయాలు బయటకు వచ్చేస్తున్నాయి.
ప్రస్తుత వర్చువల్ యుగంలో కాలు కదపకుండానే ఎన్నో పనులు చేసెయ్యొచ్చు. కరోనా తర్వాత చాలా ఇళ్లు ఆఫీస్లుగా మారిపోయాయి. చాలా మంది ఉద్యోగులు ఇళ్ల నుంచే వర్క్ చేస్తున్నారు. ఎవరి ఇంట్లో వారు ఉంటూనే మీటింగ్లకు (Virtual Meetings) హాజరవుతున్నారు. అయితే ఆ క్రమంలో చిన్న చిన్న పొరపాట్లు జరిగి పర్సనల్ విషయాలు బయటకు వచ్చేస్తున్నాయి. ఇంట్లో నుంచే జూమ్ లేదా గూగుల్ మీట్ (Google Meet) ద్వారా మీటింగ్లో పాల్గొంటూ రకరకాల పనులు చేస్తున్న ఉద్యోగులకు సంబంధించిన వీడియోలు కొద్ది రోజులుగా వైరల్ అవుతున్నాయి.
తాజాగా @aneetta_joby_ అనే ట్విటర్ యూజర్ ఓ స్క్రీన్ షాట్ షేర్ చేశారు. ఇటీవల గూగుల్ మీట్ ద్వారా మీటింగ్లో పాల్గొన్నప్పుడు తమ మేనేజర్ (Manager) ``లస్ట్స్టోరీస్-2`` (Lust Stories 2) చూస్తున్నాడని ట్వీట్ చేశారు. ``పాపం.. మా మేనేజర్ తన స్క్రీన్ను షేర్ చేస్తున్నాడని మర్చిపోయాడు. మీటింగ్ సమయంలో అతడు ఆ సిరీస్ చూస్తున్నట్టు మేం తెలుసుకున్నాం`` అని పేర్కొన్నారు (Employee Catches Manager). ఇటీవల నెట్ఫ్లిక్స్లో విడుదలైన హాట్ వెబ్ సిరీస్ ``లస్ట్స్టోరీస్-2``పై విమర్శలు వచ్చిన సంగతి తెలిసిందే. ఈ సిరీస్లో హాట్ కంటెంట్ ఎక్కువగా ఉందని కామెంట్లు వచ్చాయి.
Viral Video: చావు అంచుల వరకు వెళ్లడమంటే ఇదే.. ఆమె త్రుటిలో తన ప్రాణాలను ఎలా కాపాడుకుందో చూడండి..
తమ మేనేజర్ గురించి @aneetta_joby_ చేసిన ట్వీట్ కొద్ది సేపట్లోనే బాగా వైరల్ అయింది. దీంతో ఆ ట్వీట్ను వెంటనే డిలీట్ చేశారు. ఈ ట్వీట్పై నెటిజన్లు తమ స్పందనలను తెలియజేశారు. ``ఒక వ్యక్తి పర్సనల్ విషయాన్ని స్క్రీన్ షాట్ తీసి ఇలా షేర్ చేయడం తప్పు. మీ మేనేజర్ మిమ్మల్ని శిక్షించినా తప్పు లేదు`` అని కామెంట్ చేశారు. మరికొందరు ఆ బాస్పై ఫన్నీగా సెటైర్లు వేశారు.
