Pakistan: గ్రిడ్ వైఫల్యం...పాక్‌లో అలముకున్న అంధకారం

ఇస్లామాబాద్ :ఆర్థిక సంక్షోభంలో చిక్కుకున్న పాకిస్థాన్ దేశంలో విద్యుత్ సరఫరాలోనూ అంతరాయం ఏర్పడింది.(Pakistan)పాకిస్తాన్‌లో సోమవారం ఉదయం గ్రిడ్ వైఫల్యం(Grid failure) కారణంగా భారీ విద్యుత్తు అంతరాయం ఏర్పడింది. పవర్ గ్రిడ్ వైఫల్యం వల్ల పాకిస్థాన్ దేశంలోని ఇస్లామామాబాద్, లాహోర్, కరాచీ(Islamabad,Lahore,Karachi) నగరాలతోపాటు బలూచిస్థాన్ లోని 22 జిల్లాల్లో అంధకారం అలముకుంది.(Lahore without electricity) నేషనల్ గ్రిడ్ ఫ్రీక్వెన్సీ తగ్గడం వల్ల విద్యుత్తు అంతరాయం ఏర్పడిందని, దీని ఫలితంగా విద్యుత్ సరఫరా వ్యవస్థ విచ్ఛిన్నం అయిందని పాకిస్థాన్ ఇంధన మంత్రిత్వ శాఖ ఒక ట్వీట్‌లో పేర్కొంది.

పాక్ దేశంలోని వివిధ విద్యుత్ పంపిణీ సంస్థలు విద్యుత్ అంతరాయాన్ని ధ్రువీకరించాయి.గుడ్డు నుంచి క్వెట్టాకు రెండు ట్రాన్స్మిషన్ లైన్లు ట్రిప్ అయ్యాయని క్వెట్టా ఎలక్ట్రిక్ సప్లై కంపెనీ తెలిపింది. క్వెట్టాతో సహా బలూచిస్థాన్‌లోని 22 జిల్లాల్లో విద్యుత్తు సరఫరా లేదు. లాహోర్,కరాచీ నగరాల్లోని పలు ప్రాంతాల్లో కూడా విద్యుత్తు సరఫరాలో అంతరాయం ఏర్పడింది.ఇస్లామాబాద్‌లో 117 గ్రిడ్ స్టేషన్‌లలో విద్యుత్తు సరఫరా లేదు. పెషావర్‌లో కూడా విద్యుత్తు అంతరాయం ఏర్పడింది.