Chandrababu Case: 9న సుప్రీంలో చంద్రబాబు ఫైబర్ నెట్ కేసు విచారణ

న్యూఢిల్లీ: టీడీపీ అధినేత చంద్రబాబు నాయుడు (TDP Chief Chandrababu Naidu) ఫైబర్ నెట్ కేసుపై (Fiber Net Case) ఈనెల 9న సుప్రీం కోర్టులో (Supreme Court) విచారణ జరుగనుంది. ఫైబర్ నెట్ కేసులో ముందస్తు బెయిల్ కోసం చంద్రబాబు సుప్రీంను ఆశ్రయించారు. ఈనెల 9న కోర్ట్ నెంబర్ 6లో 11 వ నెంబర్‌గా చంద్రబాబు కేసు లిస్ట్ అయ్యింది. చంద్రబాబు ఫైబర్ నెట్ ముందస్తు బెయిల్ కేసును జస్టిస్ అనిరుద్ధ్ బోస్, జస్టిస్ బేలా ఎంత్రివేది ధర్మాసనం విచారించనుంది. కాగా.. 17- ఏపై చంద్రబాబు దాఖలు చేసిన పిటీషన్‌పై తీర్పు పెండింగ్‌లో ఉన్న విషయం తెలిసిందే. రేపు లేదా ఎల్లుండి 17 ఏ చంద్రబాబుకు వర్తింపుపై తీర్పు వచ్చే అవకాశం ఉంది. 17 ఏపై తీర్పు పెండింగ్ నేపథ్యంలో పైబర్ నెట్ కేసును గతంలో 9కి జస్టిస్ అనిరుద్ధ్ బోస్, జస్టిస్ బేలా త్రివేదీల ధర్మాసనం వాయిదా వేసింది. 17 ఏ తీర్పుపై సర్వత్రా ఉత్కంఠ కొనసాగుతోంది.