Viral: పాపం.. ఈ కుక్కకు చావు ముంచుకొస్తున్న విషయమే తెలీలా! షాకింగ్ వీడియో

ఇంటర్నెట్ డెస్క్: పిల్లి, పులి, సింహం, చిరుత.. ఇవన్నీ వేటాడటంలో ఆరి తేరిన జంతువులు. ఇవి మాటువేటి వేటకు దిగితే తప్పించుకునే జంతువే ఉండదు. ఇందుకు సంబంధించి మరో షాకింగ్ వీడియో ప్రస్తుతం తెగ వైరల్ (Viral) అవుతోంది. వీడియో కాస్తంత పాతదే అయినా మరోసారి నెట్టింట ట్రెండింగ్‌లోకి వచ్చింది. ఇది చూసి జనాలు ఆశ్చర్యపోతున్నారు. వేటాడటంలో పిల్లిజాతికి చెందిన జంతువులకు సాటి రాగల జీవి మరొకటి లేదని చెబుతున్నారు.

జైపూర్‌లోని ఝలానాలో ఈ ఘటన జరిగింది. ఓ కుక్క వెళుతుండటాన్ని అక్కడే ఉన్న ఓ చిరుత గమనించింది. దాన్ని చూడగానే చిరుత అలర్టైపోయింది. పొదల మాటున అస్సలు శబ్దం చేయకుండా, కుక్క కంట పడకుండా జాగ్రత్తపడింది. ఇన్ని వ్యూహాలు తెలీని కుక్క తన దారిన తాను కొంత దూరం నడుచుకుంటూ వెళ్లి ఎందుకో నిలబడింది. మృత్యువు కన్ను దానిపై పడిందన్న విషయం గ్రహించనే లేదు (Video Of Leopard Killing Dog Goes Viral).

Viral: వీరిది నిజంగానే జన్మజన్మల బంధం.. నమ్మశక్యం కాని లవ్ స్టోరీ!

కుక్క ఏమరపాటుగా ఉన్న సమయాన్ని సరిగ్గా అంచనా వేసిన చిరుతు ముందుకురికింది. చప్పుడు చేయకుండా వెనక నుంచి వచ్చి ఒక్కసారిగా కుక్కపై దూకి మెడ పట్టుకుంది. కాసేపు గిలగిల్లాడిన కుక్క చివరకు ప్రాణాలు విడిచింది. అంతా క్షణాల్లో జరిగిపోయింది.

ఈ షాకింగ్ వీడియో చూసి జనాలు నోరెళ్ల బెడుతున్నారు. చిరుత, పులి, పిల్లి, సింహం వంటివి అసలైన ప్రమాదకారులని కామెంట్ చేస్తున్నారు. చిరుత చప్పుడు చేయకుండా వచ్చి మట్టుపెట్టిన తీరుకు అనేక మంది షాకైపోయారు. వేటాడేందుకు అనువుగా వాటి శరీర నిర్మాణం ఉంటుందని కొందరు చెప్పారు.

Read Viral and Telugu News