ఇడ్లీ తినడం వల్ల చాలా లాభాలున్నాయని ఆరోగ్య నిపుణులు చెబుతున్నారు. వీటిని ఆహారంగా తీసుకోవడం వల్ల.. అరుగుదల నుంచి బరువు తగ్గడం వరకూ చాలా ఆరోగ్య ప్రయోజనాలు కలుగుతాయని వారు వివరిస్తున్నారు.
ఇడ్లీ చాలా సులభంగా జీర్ణమవుతుంది. అందుకే గర్భిణులు, ఆపరేషన్ అయిన వారు కూడా ఇడ్లీ తింటే మంచిదని వైద్యులు సూచిస్తారు.
ఇడ్లీ తినడం వల్ల కడుపు నిండినట్లుగా ఉంటుంది. ఇందులో పుష్కలంగా ఫైబర్ లభిస్తుంది. ఇది జీర్ణక్రియను సులభతరం చేస్తుంది. ఫలితంగా జీర్ణవ్యవస్థ మెరుగ్గా పని చేస్తుంది.
ఇడ్లీ పులియబెట్టిన ఆహార పదార్థం. ఇందులో కండరాల పెరుగుదలకు అవసరమ్యే ప్రొటీన్లు అధికంగా ఉంటాయి.
ఇడ్లీ తయారీలో నూనె, నెయ్యి లాంటి పదార్ధాలను వినియోగించరు. వీటిలో ఎలాంటి మసాలాలు సైతం ఉండవు. ఇవి ఆరోగ్యానికి ఎలాంటి హాని చేయవు. ఇక ఇందులో ఉండే సహజమైన కొవ్వు గుండె ఆరోగ్యాన్ని మరింత మెరుగుపరుస్తాయి.
బరువు తగ్గాలని ప్రయత్నించేవారు తమ డైట్లో కచ్చితంగా ఇడ్లీ చేర్చుకోవాలి. దీంట్లో కేలరీలు తక్కువగా ఉంటాయి. ఎన్ని తిన్నా బరువు మాత్రం పెరగరు.
పులియబెట్టి చేసే ఆహార పదార్థాల్లో ప్రోబయోటిక్స్ ఉంటాయి. వీటిని తీసుకోవడం వల్ల శరీరానికి కావాలిసిన మినరల్స్తో పాటు విటమిన్లు అందుతాయి. ఇవి శరీరానికి హాని చేసే కార్బోహైడ్రేట్లు, కొవ్వు, ప్రొటిన్లను నాశనం చేసి పేగుల ఆరోగ్యంగా ఉండేందుకు సహాయపడుతుంది.