రాష్ట్ర స్థాయి జనగణన సమన్వయ కమిటీ సమావేశం

హైదరాబాద్: సచివాలయంలో ప్రధాన కార్యదర్శి రామకృష్ణరావు అధ్యక్షతన రాష్ట్ర స్థాయి జనగణన సమన్వయ కమిటీ (SLCCC) సమావేశం జరిగింది. ఈ సమావేశంలో 2027 జనగణనకు రాష్ట్రంలో సమగ్ర ఏర్పాట్లు ప్రారంభించడానికి చర్చలు జరిగాయి. రాష్ట్రంలో జనగణనను పూర్తిగా డిజిటల్ విధానంలో నిర్వహించడం ఈసారి ప్రత్యేకత అని అధికారులు పేర్కొన్నారు. జిల్లాల స్థాయి సన్నద్ధత కోసం త్వరలో కలెక్టర్ల సమావేశాలు నిర్వహించనున్నారు. శాఖల మధ్య సమన్వయం, వేగవంతమైన నిర్ణయాలు తీసుకోవడం ముఖ్యమని ప్రధాన కార్యదర్శి సూచించారు.

అవసరమైన ఉద్యోగుల సంఖ్యపై అంచనా సిద్ధం చేయాలని, డిజిటల్ సర్వేలో స్లమ్ ప్రాంతాలు, దూర ప్రాంతాలు మిస్ కాకుండా పూర్తి కవరేజ్‌ని కల్పించాలని అధికారులు ఆదేశించారు. సిబ్బందికి నాణ్యమైన శిక్షణ ఇవ్వాలని సూచించారు. మొదటి దశలో సుమారు 90,000 ప్రభుత్వ ఉద్యోగులను ఎన్యుమరేటర్లు, సూపర్‌వైజర్లుగా నియమించనున్నారు. సమావేశంలో పలువురు ప్రధాన కార్యదర్శులు, ఉన్నతాధికారులు పాల్గొన్నారు.

Also Read:

వీకెండ్ టూర్ ప్లాన్ చేస్తున్నారా? లైఫ్‌లో ఒక్కసారైనా ఈ టౌన్‌కు వెళ్లి రావాలి!

మామిడి పండ్లను ఫ్రిజ్‌లో ఉంచుతున్నారా.. ఈ విషయాలను గుర్తుంచుకోండి..

For More Latest News