న్యూజిలాండ్‌తో వన్డే సిరీస్‌కు ప్రసిద్ధ్ కృష్ణ దూరం.. బీసీసీఐ కీలక ప్రకటన..

ఇంటర్నెట్ డెస్క్: న్యూజిలాండ్‌తో జరగనున్న ఐదు వన్డేల సిరీస్‌కు ఫాస్ట్ బౌలర్ ప్రసిద్ధ్ కృష్ణ దూరమయ్యాడు. తొడ కండరాల గాయం నుంచి పూర్తిగా కోలుకోకపోవడంతో అతడిని జట్టు నుంచి తప్పిస్తున్నట్లు బీసీసీఐ ప్రకటించింది. వెస్టిండీస్‌తో స్వదేశంలో జరిగిన వన్డే సిరీస్ సందర్భంగా ప్రసిద్ధ్ కృష్ణ ఎడమ తొడ కండరానికి గాయమైంది. అప్పటి నుంచి అతడు చికిత్స తీసుకుంటున్నాడు. మరోవైపు మహమ్మద్ సిరాజ్, నితీశ్ కుమార్ రెడ్డికి భారత్-ఎ జట్టులో ఆడే అవకాశాలు కల్పించింది (Prasidh Krishna Injury).

న్యూజిలాండ్‌తో వన్డే సిరీస్‌లో ఆడాలంటే ఫిట్‌నెస్ పరీక్షలో ప్రసిద్ధ్ ఉత్తీర్ణత సాధించాల్సి ఉంది. తాజాగా నిర్వహించిన ఫిట్‌నెస్ టెస్ట్‌లో అతడు విఫలమయ్యాయాడు. దీంతో ఐదు వన్డేల సిరీస్‌కు అతడు దూరమయ్యాడు. పూర్తిగా కోలుకున్న తర్వాతే ప్రసిద్ధ్ మైదానంలోకి దిగుతాడని బీసీసీఐ స్పష్టం చేసింది. ప్రసిద్ధ్ కృష్ణ వన్డే సిరీస్‌కు దూరమైనప్పటికీ న్యూజిలాండ్-ఎతో జరిగే చివరి నాలుగు రోజుల మ్యాచ్‌లో ఆడే అవకాశం ఉంది. అయితే దీనికి ముందుగా అతడు రిటర్న్ టు ప్లే (ఆర్‌టీపీ) ఫిట్‌నెస్ పరీక్షలో ఉత్తీర్ణత సాధించాలి (India vs New Zealand 2026).

మరోవైపు న్యూజిలాండ్-ఎతో జరిగే నాలుగు రోజుల మ్యాచ్‌‌కు ఫాస్ట్ బౌలర్ మహమ్మద్ సిరాజ్ (Mohammed Siraj) భారత్-ఎ జట్టుతో కలవనున్నాడు. అక్టోబర్ 31 నుంచి న్యూజిలాండ్-ఎతో ప్రారంభమయ్యే రెండో నాలుగు రోజుల మ్యాచ్‌లో అతడు ఆడనున్నాడు. టెస్టు సిరీస్‌కు ముందు మ్యాచ్ ప్రాక్టీస్ పొందడం సిరాజ్‌కు ఉపయోగపడనుంది. అలాగే ఆల్‌రౌండర్ నితీశ్ కుమార్ రెడ్డి (Nitish Kumar Reddy) కూడా మూడో నాలుగు రోజుల మ్యాచ్‌లో ఆడనున్నాయి. తొలి వన్డే పూర్తయిన తర్వాత న్యూజిలాండ్-ఎతో జరిగే మూడో నాలుగు రోజుల మ్యాచ్ కోసం భారత్-ఎ జట్టుతో కలవనున్నాడు.

ఇవి కూడా చదవండి..

పుతిన్‌తో ట్రంప్ భారీ చమురు ఒప్పందాలు.. అమెరికా కీలక ప్రతిపాదనలు!

పసిడి ధరలు స్వల్పంగా తగ్గాయి.. ఈ రోజు మీ నగరంలో ఎలా ఉన్నాయంటే..