చరిత్రలో తొలిసారి..

ఉదయం 9.30 నుంచి

స్టార్‌ స్పోర్ట్స్‌లో..

జపాన్‌తో భారత్‌ ఏకైక టీ20 నేడు

మ్యాచ్‌కు టైఫూన్‌ ముప్పు

సనో (జపాన్‌): భారత్‌-జపాన్‌ దేశాల మధ్య 75 ఏళ్ల దౌత్యపరమైన సంబంధాలకు గుర్తుగా మంగళవారం చరితాత్మ్రక టీ20 మ్యాచ్‌ జరుగనుంది. ప్రస్తుతం టీమిండియా ఆసియాగేమ్స్‌లో ఆడేందుకు జపాన్‌లోనే ఉన్న విషయం తెలిసిందే. అయితే ఈ మ్యాచ్‌ మాత్రం ఆసియాడ్‌లో భాగం కాదు. అత్యంత పటిష్టంగా కనిపిస్తున్న టీమిండియాతో 41వ ర్యాంక్‌లో ఉన్న జపాన్‌ ఏ విషయంలోనూ సరితూగకపోయినా.. వరల్డ్‌ చాంపియన్‌తో ఆడనుండడం ఆ జట్టుకు చక్కటి అనుభవం కానుంది. అయితే జపాన్‌ ఆశ తీరాలంటే వాతావరణం సహకరించాల్సి ఉంటుంది. ఎందుకంటే.. ఈ మ్యాచ్‌కు టైఫూన్‌ డుజాన్‌ నుంచి ముప్పు పొంచి ఉంది. ఈ కారణంగా భారీ వర్షాలు కురిసే అవకాశం ఉంది. స్టేడియం ఉన్న కాంటో ప్రాంతంలో ఇప్పటికే వర్షం కురుస్తోంది. అయితే మంగళవారం ఉదయానికి పరిస్థితులు మెరుగయ్యే అవకాశాలు లేకపోలేదని స్థానిక అధికారులు భావిస్తున్నారు. అదే జరిగితే ఈ చరిత్రాత్మక మ్యాచ్‌కు అడ్డంకి తొలగినట్టే. మరోవైపు క్రికెట్‌కు ఆదరణ లేని జపాన్‌లో ఈ క్రీడను అర్థం చేసుకునేందుకు పూర్తి వివరాలతో కూడిన కరపత్రాలను పంపిణీ చేశారు.

ఇవి కూడా చదవండి:

ఆసియా గేమ్స్: కుమారుడి టీమ్ ఓటమి.. మాధవన్ రియాక్షన్ ఇదే!

న్యూజిలాండ్‌తో టెస్టు సిరీస్.. రిజర్వ్ ఓపెనర్ రేసులో సాయి సుదర్శన్