రక్షాబంధన్ 2026.. రాఖీ కట్టేందుకు శుభ సమయం ఇదే!
ABN , Publish Date - Aug 27 , 2026 | 05:19 PM
2026లో రక్షాబంధన్ పండుగను ఆగస్టు 28, శుక్రవారం జరుపుకోనున్నారు. పౌర్ణమి తిథి రెండు తేదీల్లో కొనసాగడంతో రాఖీ ఎప్పుడు కట్టాలనే సందేహం చాలామందిలో ఉంది.
ఇంటర్నెట్ డెస్క్: అన్నాచెల్లెళ్లు, అక్కాతమ్ముళ్ల మధ్య ప్రేమానురాగాలకు ప్రతీకగా జరుపుకొనే పండుగ రక్షాబంధన్. ప్రతి ఏడాదీ శ్రావణ పౌర్ణమి రోజున ఈ వేడుకను నిర్వహిస్తారు. అయితే 2026లో పౌర్ణమి తిథి రెండు తేదీల్లో కొనసాగడంతో రక్షాబంధన్ ఎప్పుడు జరుపుకోవాలి? రాఖీ ఏ సమయంలో కట్టాలనే సందేహం చాలామందిలో ఉంది. కొందరు ఆగస్టు 27న, మరికొందరు ఆగస్టు 28న రాఖీ పండుగ అని చెబుతున్నారు.
రక్షాబంధన్ 2026
2026లో రక్షాబంధన్ పండుగ ఆగస్టు 28న వస్తోంది. శ్రావణ మాసంలోని పౌర్ణమి తిథిని ఆధారంగా చేసుకుని ఈ పండుగను నిర్వహిస్తారు. ఈసారి పౌర్ణమి తిథి ఆగస్టు 27న ప్రారంభమై, ఆగస్టు 28న ఉదయం సుమారు 9:48 గంటలకు ముగుస్తుంది. పౌర్ణమి రెండు తేదీల్లో కొనసాగుతున్నప్పటికీ.. పండుగను ఆగస్టు 28న జరుపుకోవాలని పరిగణిస్తున్నారు.
రాఖీ కట్టేందుకు శుభ సమయం
ఆగస్టు 28న సోదరులకు రాఖీ కట్టేందుకు ఉదయం 5:57 గంటల నుంచి 9:48 గంటల వరకు అనుకూలమైన సమయంగా చెబుతున్నారు. పౌర్ణమి తిథి, సూర్యోదయ సమయాలను పరిగణనలోకి తీసుకుని ఈ ముహూర్తాన్ని నిర్ణయిస్తారు. అయితే సూర్యోదయ సమయం ప్రాంతాలను బట్టి మారుతుంది. అందువల్ల రాఖీ కట్టే సమయంలో స్థానికంగా స్వల్ప తేడాలు ఉండవచ్చు.
రక్షాబంధన్ ప్రాముఖ్యం ఏమిటి?
రక్షాబంధన్ అన్నాచెల్లెళ్లు, అక్కాతమ్ముళ్ల మధ్య ఉన్న ప్రేమ, ఆప్యాయతకు ప్రతీక. ఈ రోజున సోదరీమణులు తమ సోదరుల చేతికి రాఖీ కట్టి వారి సుఖసంతోషాలను కోరుకుంటారు. సోదరులు కూడా తమ సోదరీమణులకు అండగా ఉంటామని చెప్పడంతో పాటు బహుమతులు అందిస్తారు. దేశవ్యాప్తంగా రక్షాబంధన్ను ఎంతో ఆనందంగా జరుపుకుంటారు. విదేశాల్లో నివసించే భారతీయులు కూడా ఈ పండుగను నిర్వహిస్తూ కుటుంబ బంధాలను గుర్తు చేసుకుంటారు.
Note: ఇందులోని సమాచారం ఇంటర్నెట్లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.
Also Read:
ప్రెషర్ కుక్కర్ విజిల్ వేస్తూ నీరు కారుతోందా? ఈ సింపుల్ చిట్కాలతో సమస్యకు చెక్
దానం చేసేటప్పుడు ఈ 5 తప్పులు చేయొద్దు
