కామ దహనం.. ఏ సమయంలో చేయాలో తెలిసా..?

హోలికా దహనం 2026: హోలికా దహనం.. హోలీ పండుగకు ముందు రోజు రాత్రి జరుపుకొనే ముఖ్యమైన వేడుక. ఈ రోజున చెడుపై మంచి సాధించిన విజయానికి ప్రతీకగా హోలికా దహనం చేస్తారు. ప్రజలు కామ దహనం మంటలు వేసి ఆ మంటల చుట్టూ తిరుగుతూ పూజలు చేస్తారు.

హోలికా దహనం తేదీ, సమయం

• హోలికా దహనం: మార్చి 2, 2026 రాత్రి

• పూర్ణిమ తిథి: మార్చి 2 సాయంత్రం 05:55 గంటలకు ప్రారంభం, మార్చి 3 సాయంత్రం 05:07 గంటలకు ముగుస్తుంది.

• శుభ సమయం: భద్ర కాలం ముగిసిన తర్వాత మార్చి 3 ఉదయం 05:30 నుంచి 06:23 గంటల మధ్య హోలికం దహనం జరుపుకోవచ్చు.

  

హోలికా దహనం ఎందుకు జరుపుకొంటారు?

హోలికా దహనం జరుపుకోవడానికి ప్రధాన కారణం చెడుపై విజయం సాధించడం. హోలీకి ఒక రోజు ముందు, భక్తులు హోలికా అగ్ని చుట్టూ తిరుగుతూ విష్ణువును పూజిస్తారు. రక్షణ, సంపద, చెడు శక్తి నిర్మూలన కోసం పూజలు చేస్తారు.

హోలికా దహనం పూజా విధానం

హోలికా దహనం రోజున కుటుంబ సభ్యులు, పక్కింటి వారు కలిసి కామ దహనం చుట్టూ చేరతారు. బియ్యం, కర్పూరం, పచ్చి ఏలకులు, ఎండు కొబ్బరి, పసుపు, తామర గింజలు వంటి పూజా వస్తువులను అగ్నిలో వేసి పూజలు చేస్తారు. భక్తులు ఆనందం, ఆరోగ్యం, సంపద కోసం మంత్రాలు పఠిస్తారు. ఈ వేడుక కుటుంబ బంధాలను బలోపేతం చేస్తుంది. సమాజంలో ఐక్యతను పెంచుతుంది. హోలికా దహన్ పూజ సంప్రదాయాన్ని పాటించడం ద్వారా మానసిక, ఆధ్యాత్మిక శక్తి పెంపొందుతుందని పురోహితులు చెబుతున్నారు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

విటమిన్ డి సప్లిమెంట్లు తీసుకుంటున్నారా? ఇది తెలుసుకోండి

కంటి నొప్పి మెదడు సమస్యకు సంకేతమా?

For More Latest News