కొడుకు కోసం చేతిపై కీబోర్డ్ ట్యాటూ వేయించుకున్న తల్లి.. కారణం ఏంటంటే..
ABN , Publish Date - Aug 29 , 2026 | 04:48 PM
ఆటిజంతో బాధపడుతున్న తన కుమారుడితో కమ్యూనికేట్ అవ్వటం కోసం ఓ మహిళ తన చేతిపై కీబోర్డ్ ట్యాటూ వేయించుకుంది. కుమారుడి ఆరోగ్య సమస్యను దృష్టిలో ఉంచుకుని, అతడితో కమ్యూనికేట్ అవ్వటం కోసం ఎలక్ట్రానిక్ పరికరాలతో అవసరం లేని శాశ్వత పరిష్కారాన్ని కనుగొంది.
ఇంటర్నెట్ డెస్క్: ఆటిజంతో బాధపడుతున్న తన కుమారుడితో కమ్యూనికేట్ అవ్వటం కోసం ఓ మహిళ తన చేతిపై కీబోర్డ్ ట్యాటూ వేయించుకుంది. కుమారుడి ఆరోగ్య సమస్యను దృష్టిలో ఉంచుకుని, అతడితో కమ్యూనికేట్ అవ్వటం కోసం ఎలక్ట్రానిక్ పరికరాలతో అవసరం లేని శాశ్వత పరిష్కారాన్ని కనుగొంది. ఈ సంఘటన కెనడాలో చోటుచేసుకుంది. ఇందుకు సంబంధించిన పూర్తి వివరాల్లోకి వెళితే.. జెస్సికా ఫ్లెచర్ అనే మహిళ కుమారుడు.. 11 ఏళ్ల హంటర్ ఆటిజంతో బాధపడుతున్నాడు. కుమారుడితో కమ్యూనికేట్ అవ్వటం కోసం ఆమె అగ్మెంటేటివ్ అండ్ ఆల్టర్నేటివ్ కమ్యూనికేషన్ ట్యాబ్లెట్ ఉపయోగిస్తోంది.
ఆ ట్యాబ్ను ఉపయోగించి కొన్ని రకాల సింబల్స్, పదాలతో హంటర్ తల్లితో కమ్యూనికేట్ అవుతుంటాడు. కొద్దిరోజుల క్రితం తల్లీకొడుకులు హోటల్కు డిన్నర్ చేయడానికి వెళ్లారు. డిన్నర్ చేస్తున్న సమయంలో ఆ ట్యాబ్ బ్యాటరీ సడెన్గా అయిపోయింది. కుమారుడితో కమ్యూనికేట్ అవ్వటం జెస్సికాకు చాలా ఇబ్బంది పడాల్సి వచ్చింది. అప్పుడే ఆమె ఓ నిర్ణయానికి వచ్చింది. ట్యాబ్కు శాశ్వత పరిష్కారం కనుక్కోవాలని అనుకుంది. అనుకున్నదే తడవుగా ట్యాటూ షాపునకు వెళ్లింది. తన చేతిపై ఓ ప్రత్యేకమైన కీబోర్డును ట్యాటూ వేయించుకుంది.
ఆ కీబోర్డ్ ట్యాటూలో కొన్ని రకాల అక్షరాలతో పాటు కొన్ని సింబల్స్ కూడా ఉన్నాయి. హంటర్ తన తల్లితో కమ్యూనికేట్ అవ్వాలని అనుకున్నపుడు చేతిపై ఉన్న కీబోర్డ్ ట్యాటూను ఉపయోగిస్తున్నాడు. తల్లీకొడుకులు ఎంతో చక్కగా ఒకరితో ఒకరు కమ్యూనికేట్ అవ్వడానికి ట్యాటూ ఓ మంచి సాధనంలా మారింది. జెస్సికా ట్యాటూకు సంబంధించిన వీడియోలు సోషల్ మీడియాలో వైరల్గా మారాయి. జెస్సికా చేసిన అద్భుతమైన పనిపై నెటిజన్లు స్పందిస్తూ ప్రశంసల జల్లులు కురిపిస్తున్నారు.
ఇవి కూడా చదవండి
సింక్ డ్రెయిన్ తరచూ బ్లాక్ అవుతోందా? ఈ చిట్కాలు ట్రై చేయండి!
నాతో బౌలింగ్ చేయించడం ఇషాన్ భయ్యా రిస్క్ అనుకున్నాడు.. కానీ!: వైభవ్ సూర్యవంశీ
