వైభవంగా కైట్ ఫెస్టివల్.. హాజరైన విదేశీయులు
ABN, Publish Date - Jan 13 , 2026 | 01:04 PM
సికింద్రాబాద్లోని చారిత్రాత్మక పరేడ్ గ్రౌండ్స్లో తెలంగాణ పర్యాటక శాఖ ఆధ్వర్యంలో అంతర్జాతీయ పతంగుల పండుగ, స్వీట్ ఫెస్టివల్ ఘనంగా ప్రారంభమయ్యాయి. ఈ వేడుకలో ప్రపంచవ్యాప్తంగా దాదాపు 15 నుంచి 20 దేశాలకు చెందిన అంతర్జాతీయ పతంగులు ఎగురవేసే నిపుణులు పాల్గొంటున్నారు.
1/13
సికింద్రాబాద్లోని చారిత్రాత్మక పరేడ్ గ్రౌండ్స్లో తెలంగాణ పర్యాటక శాఖ ఆధ్వర్యంలో అంతర్జాతీయ పతంగుల పండుగ, స్వీట్ ఫెస్టివల్ ఘనంగా ప్రారంభమయ్యాయి.
2/13
ఈ వేడుకలో ప్రపంచవ్యాప్తంగా దాదాపు 15 నుంచి 20 దేశాలకు చెందిన అంతర్జాతీయ పతంగులు ఎగురవేసే నిపుణులు పాల్గొంటున్నారు.
3/13
వివిధ ఆకృతుల్లో, భారీ పరిమాణంలో ఉన్న పతంగులు హైదరాబాద్ ఆకాశాన్ని రంగులమయం చేస్తున్నాయి.
4/13
ఈ ఈవెంట్లో పతంగులతో పాటు, వివిధ రాష్ట్రాల సాంప్రదాయ పిండివంటల ప్రదర్శన కూడా ప్రత్యేక ఆకర్షణగా నిలుస్తోంది.అమెరికా, ఇండోనేషియా, మలేషియా, సింగపూర్, థాయిలాండ్, ఫ్రాన్స్ వంటి దేశాల నుంచి వచ్చిన కైట్ మాస్టర్స్ తమ నైపుణ్యాన్ని ప్రదర్శిస్తున్నారు.
5/13
పరేడ్ గ్రౌండ్స్ ఆకాశం రంగురంగుల పతంగులతో నిండిపోయింది. డ్రాగన్లు, క్రోకడైల్స్, భారీ తిమింగలాలు, సూపర్ హీరోల ఆకృతుల్లో ఉన్న పతంగులు చూపర్లను మంత్రముగ్ధులను చేస్తున్నాయి.
6/13
ఈ ఏడాది ఉత్సవాల్లో విదేశీయుల సందడి ఎక్కువగా కనిపిస్తోంది.
7/13
కేవలం పతంగులు ఎగురవేయడమే కాకుండా, మన భారతీయ సంస్కృతిని, ముఖ్యంగా సంక్రాంతి వైభవాన్ని చూసి వారు పరవశించిపోతున్నారు.
8/13
విదేశీ ప్రతినిధులతో పాటు దేశంలోని వివిధ రాష్ట్రాల నుంచి వచ్చిన వారు కూడా ఈ పోటీలో పాల్గొంటున్నారు.
9/13
పతంగుల పండుగతో పాటు పరేడ్ గ్రౌండ్స్లో నిర్వహిస్తున్న 'ఇంటర్నేషనల్ స్వీట్ ఫెస్టివల్' సందర్శకులకు నోరూరిస్తోంది.
10/13
దాదాపు 50 రకాలకు పైగా విభిన్నమైన మిఠాయిలు, వివిధ దేశాలు, రాష్ట్రాల ప్రత్యేక వంటకాలను ఇక్కడ ప్రదర్శిస్తున్నారు.
11/13
ముఖ్యంగా తెలంగాణ సంప్రదాయ పిండివంటలైన అరిసెలు, సకినాలు విదేశీయులను ఆకర్షిస్తున్నాయి.
12/13
పర్యాటక శాఖ సందర్శకుల కోసం భారీ ఏర్పాట్లు చేసింది. సాయంత్రం వేళల్లో లేజర్ షోలు, డ్రోన్ ప్రదర్శనలు, తెలంగాణ జానపద కళాకారుల ప్రదర్శనలు పండుగ వాతావరణాన్ని మరింత రెట్టింపు చేస్తున్నాయి.
13/13
కుటుంబ సమేతంగా వచ్చే వారికోసం ప్రత్యేక ఫుడ్ కోర్టులు, పిల్లల కోసం ఆటస్థలాలు ఏర్పాటు చేశారు.
Updated at - Jan 13 , 2026 | 02:19 PM
