గోడకు ప్రాణం పోద్దాం!

నగరాల్లో ఇళ్లు చిన్నవైపోతున్నాయి. అయినప్పటికీ మొక్కలు పెంచాలనే కోరిక మాత్రం తగ్గడం లేదు. స్థలం లేదని బాధపడేవారికి ‘వర్టికల్‌ గార్డెనింగ్‌’ అద్భుతమైన వరం. మీ ఇంటి గోడలనే పచ్చని తోటలుగా మార్చే ఈ ట్రెండ్‌ ఇప్పుడు హాట్‌ టాపిక్‌.

ఫ్లోర్‌ స్పేస్‌ సేవింగ్‌: నేల ఖాళీగా ఉండటం వల్ల గది పెద్దదిగా కనిపిస్తుంది.

విజువల్‌ మ్యాజిక్‌: గోడపైదాకా పాకే మొక్కలు గది ఎత్తును పెంచినట్టు చూపిస్తాయి.

లైవ్‌ వాల్‌పేపర్‌: ప్లాస్టిక్‌ వాల్‌పేపర్ల కంటే ప్రాణం ఉన్న మొక్కలు ఇంటికి రిచ్‌ లుక్‌ను ఇస్తాయి.

ఏ మొక్కలు బెస్ట్‌?

తక్కువ మట్టి, తక్కువ ఎండలో పెరిగే మొక్కలే దీనికి ప్రాణం.

మనీప్లాంట్‌: వేగంగా పాకుతూ గదికి పచ్చదనాన్ని ఇస్తుంది.

స్నేక్‌ప్లాంట్‌: నిలువుగా పెరుగుతూ రాత్రిపూట కూడా ఆక్సిజన్‌

అందిస్తుంది.

స్లైడర్‌ ప్లాంట్‌: అందమైన ఆకులతో గాలిని శుద్ధి చేస్తుంది.

లాభాలు అనేకం

నేచురల్‌ ఏసీ: గోడకు మొక్కలు ఉండటం వల్ల బయటి వేడి లోపలికి రాదు, ఇల్లు చల్లగా ఉంటుంది.

స్ర్టెస్‌ బస్టర్‌: పచ్చని గోడవైపు చూడటం వల్ల కంటికి, మనసుకు రిలాక్సేషన్‌ లభిస్తుంది.

తక్కువ ఖర్చు: పాత ప్లాస్టిక్‌ బాటిల్స్‌ లేదా చెక్క ఫ్రేములను వాడి తక్కువ ఖర్చుతో మనమే దీనిని డిజైన్‌ చేసుకోవచ్చు.

నీరు: గోడ తడవకుండా డ్రిప్‌ సిస్టమ్‌ లేదా స్ర్పేబాటిల్‌ వాడండి.

వెలుతురు: కిటికీ దగ్గరగా ఉండే గోడను ఎంచుకుంటే మొక్కలు ఏపుగా పెరుగుతాయి.

శుభ్రత: వారానికోసారి ఆకులపై దుమ్ము తుడిస్తే మెరుపు తగ్గదు

ఈ వార్తలు కూడా చదవండి..

ఏబీఎన్ ఆంధ్రజ్యోతి జర్నలిస్టులపై దాడి.. ఖండించిన ప్రెస్ క్లబ్

బుల్లెట్ ట్రైన్‌కు హబ్‌గా హైదరాబాద్: అశ్వినీ వైష్ణవ్

For More TG News And Telugu News