ఇల్లు చల్లగా ఉండాలంటే...

వేసవికాలంలో మధ్యాహ్నానికల్లా ఇల్లు బాగా వేడెక్కి ఏసీ లేదా కూలర్‌ వేసుకోనిదే ఉండలేని పరిస్థితి ఎదురవుతూ ఉంటుంది. అలాకాకుండా ఇంటిని చల్లగా ఉంచే చిట్కాలివే...

• పగటిపూట ఎండ, వేడిగాలి ఇంట్లోకి రాకుండా కిటికీలకు, గుమ్మానికి కర్టెన్లు వేయాలి. తెలుపు లేదా లేత రంగుల్లో ఉన్న కాటన్‌ కర్టెన్లు వేస్తే ఇల్లు త్వరగా వేడెక్కదు.

• కాటన్‌ ఫ్యాబ్రిక్‌తో రూపొందించిన బెడ్‌షీట్లు, పిల్లో కవర్లు, సోఫా కవర్లు, టేబుల్‌ క్లాత్‌లను ఎంపిక చేసుకుంటే మంచిది. కాటన్‌.. తేలికగా గాలి ప్రసరించడానికి తోడ్పడుతుంది.

• సూర్యాస్తమయం తరువాత లేదా బాగా చీకటి పడిన తరువాత ప్రతి గదిలో కిటికీ తలుపులు తెరవాలి. దీనివల్ల బయటి నుంచి చల్లటి గాలి లోపలికి వీచి ఇల్లు చల్లగా మారుతుంది.

• హాల్లో ఫ్యాన్‌ వేసిన తరువాత వెడల్పాటి గిన్నెలో కొన్ని ఐస్‌ క్యూబ్స్‌ వేసి ఓ మూలగా ఉంచితే ఇల్లు చల్లగా ఉంటుంది.

• వంటగదిలో ఎగ్జాస్ట్‌ ఫ్యాన్‌ వేసి ఉంచితే ఇంట్లోని వేడిగాలి బయటికి వెళుతుంది.

• సాధారణ బల్బులకు బదులు ఎల్‌ఈడీ బల్బులు వాడితే గది వేడెక్కకుండా ఉంటుంది.

• ఉదయం, సాయంత్రం వేళల్లో చల్లటి నీటిలో ముంచిన గుడ్డతో తుడిస్తే ఇల్లు చల్లగా ఉంటుంది. అలాగే సాయంత్రం కాగానే మిద్దెపైన, ఇంటి ముంగిట చల్లటి నీళ్లు చల్లితే ఫలితం ఉంటుంది.

• ప్రతి గదిలో ఒకటి లేదా రెండు ఇండోర్‌ ప్లాంట్‌ కుండీలను ఏర్పాటు చేసుకుంటే ఇల్లు వేడెక్కదు. బాల్కనీల్లో, ఇంటి ఆవరణలో చిన్న చిన్న మొక్కలు పెంచుతూ ఉంటే పరిసరాలు చల్లదనంతో నిండుతాయి.

ఈ వార్తలు కూడా చదవండి..

హోంగార్డుల సమస్యలు పరిష్కరించండి: సీఎం చంద్రబాబుకు ఏపీ బీజేపీ చీఫ్ లేఖ

తెలుగు రాష్ట్రాల్లోని ప్రయాణికులకు గుడ్ న్యూస్.. భారీగా ప్రత్యేక రైళ్లు

For More AP News And Telugu News