మనలో ఒత్తిడి

ఒత్తిడి చిత్తు

మనలో ఒత్తిడి పెరుగుతున్నట్టు మనంతట మనం గ్రహించలేం! కానీ మన శరీరం కొన్ని లక్షణాల రూపంలో సూచనలు అందిస్తూనే ఉంటుంది. అవేంటో తెలుసుకుందాం!

కన్ను అదరడం: నాడీ వ్యవస్థ అతిగా ప్రేరేపితమైనప్పుడు సూక్ష్మ కండరాలు కూడా ప్రేరేపితమవుతాయి. ఒత్తిడి దూరమై, ప్రశాంత స్థితిలో ఉన్నప్పుడు కూడా మన శరీరం అప్రమత్త దశ నుంచి బయటపడలేదనడానికి సూచనగా మన కన్ను అదురుతూ ఉంటుంది.

కడుపుబ్బరం: తీవ్రమైన ఒత్తిడి వల్ల జీర్ణశక్తి కుంటుపడుతుంది. ఒత్తిడికి లోనయ్యే శరీరం తన శక్తిని ప్రాణాలు నిలుపుకోవడానికి కేటాయించడమే ఇందుకు కారణం. దాంతో జీర్ణశక్తి కుంటుపడి కడుపుబ్బరం, అజీర్తి సమస్యలు వేధిస్తాయి.

శరీర ఉష్ణోగ్రత: ఒత్తిడి శరీర ఉష్ణోగ్రతను కూడా హెచ్చుతగ్గులకు లోను చేస్తుంది. ఫలితంగా రక్త ప్రవాహం, అడ్రినలిన్‌ హార్మోన్‌ ఉత్పత్తులు ప్రభావితమవుతాయి. ఇలా శరీరంలో అకస్మాత్తుగా చోటుచేసుకునే మార్పుల వల్ల నాడీ వ్యవస్థ సంతులనాన్ని సాధించలేదు. దాంతో శరీర ఉష్ణోగ్రతల్లో హెచ్చుతగ్గులు చోటుచేసుకుంటాయి.

కార్టిసాల్‌: ఒత్తిడితో శరీరంలో ఉత్పత్తయ్యే అధిక కార్టిసాల్‌ హార్మోన్‌ వల్ల, చర్మం, రక్తనాళాలు ప్రభావితమై సులభంగా గాయాలవుతాయి.

అలసట: ఒత్తిడితో ఉదయమంతా సర్వైవల్‌ మోడ్‌లో ఉండిపోవడం వల్ల, శక్తి మొత్తం వేగంగా ఖర్చయిపోయి, మధ్యాహ్నానికి నిస్సత్తువ ఆవరిస్తుంది.

వెంట్రుకలు రాలిపోవడం: ఒత్తిడితో శరీరం శక్తిని నిల్వ చేసుకునే మోడ్‌లోకి వెళ్లిపోతుంది. దాంతో అవసరం లేని పనులకు శక్తిని ఖర్చు పెట్టడం మానేస్తుంది. ఫలితంగా వెంట్రుకల పెరుగుదల మందగిస్తుంది. వెంట్రుకలు రాలిపోతూ ఉంటాయి.

మగత/మతిమరుపు: ఒత్తిడికి లోనైన మెదడు, ముప్పును పసిగట్టడం మీదే దృష్టి పెడుతుంది. నిరంతరం ప్రమాదం కోసం కనిపెడుతూ ఉండడం వల్ల పనుల మీద ఏకాగ్రత తగ్గుతుంది. ఆలోచనల్లో స్పష్టత లోపిస్తుంది.

ఛాతీ నొప్పి: అత్యధిక ఒత్తిడి గుండె మీద ప్రభావాన్ని కనబరుస్తుంది. కండరాలు బిగుసుకుంటాయి. శ్వాస తగ్గుతుంది. దాంతో ఛాతీ భాగంలో నొప్పి మొదలవుతుంది.

కంటి చూపు: ఒత్తిడితో కంటి కండరాలు కూడా కుంచించుకుపోతాయి. ఆ కండరాలకు రక్త సరఫరా తగ్గుతుంది. దాంతో కంటి చూపు మసకబారుతుంది.

ఇవి కూడా చదవండి..

బాల్కనీ నుంచి కిందపడిన బాలుడు.. క్షణాల్లో స్పందించి కాపాడిన వ్యక్తి.. వీడియో వైరల్..

మా ప్రాంతంలో ప్రశాంతతకు భంగం కలిగించేందుకే.. సీజేపీపై ఏఏఎస్‌యూ విమర్శలు..