బరువు తగ్గాలా...

కఠినమైన ఆహార నియమాలు, గంటల కొద్దీ వ్యాయామాలతో పని లేకుండా చిన్న చిట్కాలతో శరీర బరువును ఎలా అదుపులో ఉంచుకోవచ్చో చూద్దాం...

• చదువుకునేటప్పుడు లేదా ఆఫీసులో పనిచేసేటప్పుడు గంటల తరబడి ఒకే చోట కూర్చోకుండా మధ్యమధ్యలో లేచి అలా వాకింగ్‌ చేయడం, కూర్చునే కాళ్లు చేతులతో చిన్నపాటి వ్యాయామాలు చేయడం అలవాటు చేసుకుంటే శరీరంలో కదలికలు పెరిగి మంచి ఫలితం కనిపిస్తుంది.

• తరచూ లిఫ్ట్‌ వాడకుండా మెట్లు ఎక్కడం, దిగడంతోపాటు చిన్న పనికి కూడా బైక్‌ లేదా కారు తీసే బదులు నడచి వెళ్లడం లాంటివి బరువు తగ్గడానికి ఉపకరిస్తాయి.

• మధ్యాహ్నం, రాత్రి భోజనాల తరువాత కనీసం పావుగంటసేపు నడవడం వల్ల శరీరంలో పేరుకున్న అదనపు కొవ్వులు కరిగిపోతాయి. చురుకుదనం, ఉత్సాహం పెరుగుతాయి.

• వారానికి కనీసం రెండున్నర గంటలు వ్యాయామానికి కేటాయించాలి. రోజూ చిన్న చిన్న సెషన్లుగా ఈ లక్ష్యాన్ని పూర్తి చేయడం ప్రయోజనకరం.

• ఫోన్లో మాట్లాడేటప్పుడు అటూ ఇటూ నడవడం, టీవీ చూసేటప్పుడు మధ్య మధ్యలో చిన్న పనులను చక్కబెట్టడం అలవాటు చేసుకుంటే ఫలితం ఉంటుంది.

• నూనె పదార్థాలు, స్వీట్లు, ప్రాసెస్డ్‌ ఫుడ్‌కు బదులు తరచూ తాజా పండ్లు, మొలకలు, డ్రై ఫ్రూట్స్‌, కేరట్లు, కీర, ఉడికించిన గుడ్లు తీసుకుంటుంటే శరీర బరువు అదుపులో ఉంటుంది.

ఈ వార్తలు కూడా చదవండి

వైసీపీకి బిగ్ షాక్.. బొత్స మేనల్లుడి రాజీనామా

రాగద్వేషాలకు అతీతంగా క్షేత్రస్థాయిలోని నాయకులు పనిచేయాలి: సీఎం చంద్రబాబు