మామిడి తొక్కలతో ఇలా

మామిడి పండ్ల తొక్కలను పడేయ కుండా ఎలా ఉపయోగించుకోవచ్చో తెలుసుకుందాం...

• ముందుగా మామిడి పండ్లను ఉప్పు, పసుపు కలిపిన నీటిలో అరగంటకు పైగా నానబెట్టి ఆపైన మంచినీటితో కడిగి శుభ్రం చేయాలి. తరువాత వాటికి తొక్కతీయాలి. ఈ మామిడి తొక్కలను మెత్తగా ఉడికించి గుజ్జులా చేసి తగినంత చక్కెర, కొద్దిగా నిమ్మరసం వేసి కలిపి మరికొంతసేపు దగ్గరకు వచ్చేలా ఉడికిస్తే రుచికరమైన జామ్‌ తయారవుతుంది. దీన్ని పిల్లలు ఇష్టంగా తింటారు.

• మామిడి తొక్కలను చిన్న ముక్కలుగా చేసి బాగా ఎండబెట్టి మిక్సీలో వేసి మెత్తటి పొడిలా గ్రైండ్‌ చేయాలి. దీన్ని జల్లించి గాజు సీసాలో భద్రపరచుకోవాలి. ఈ పొడిని పచ్చళ్లు, కూరలు, సూప్‌లు, స్మూతీల్లో కలుపుకోవచ్చు. రకరకాల స్నాక్స్‌పైన చల్లుకోవచ్చు. దీనివల్ల ఆహార పదార్థాలకు అదనపు రుచి చేకూరుతుంది.

• చిన్న గిన్నెలోకి కొద్దిగా మామిడి తొక్కల పొడిని తీసుకుని అందులో కొద్దిగా తేనె, తగినంత పెరుగు వేసి పేస్టులా చేయాలి. ఈ మిశ్రమాన్ని ముఖానికి పట్టించి అరగంట తరువాత చల్లటి నీటితో శుభ్రం చేసుకుంటే ఎండవల్ల కమిలిన చర్మానికి ఉపశమనం కలుగుతుంది. అలాగే ట్యాన్‌ కూడా తగ్గుతుంది.

• మందపాటి గిన్నెలో మామిడి తొక్కలు వేసి అవి మునిగేవరకూ నీటిని పోసి స్టవ్‌ మీద పెట్టి బాగా మరిగించాలి. తరువాత

• ఈ నీటిని చిన్న గిన్నెలోకి వడబోసి చల్లార్చి ముఖానికి టోనర్‌లా ఉపయోగించవచ్చు. దీనివల్ల చర్మంపై పేరుకున్న మురికి, మృతకణాలు తొలగి ముఖం మృదువుగా మెరుస్తుంది. మొటిమల బాధ తగ్గుతుంది.

• ఈ నీటిని మాడుకు పట్టిస్తే చుండ్రు, శిరోజాలు రాలడం లాంటి సమస్యలు తగ్గుతాయి.

• మామిడి తొక్కలను నీటిలో మరిగించి వడబోసి కొద్దిగా తేనె, చెంచా నిమ్మరసం, చిటికెడు దాల్చినచెక్క పొడి, కొద్దిగా అల్లం తురుం, రెండు పుదీనా ఆకులు వేసి టీలా తయారుచేసుకుని తాగవచ్చు. దీనిలో ఆరోగ్యానికి ఉపకరించే యాంటీ ఆక్సిడెంట్లు పుష్కలంగా ఉంటాయి.

• ఒక ప్లాస్టిక్‌ బాటిల్‌లో మామిడి తొక్కలు వేసి నిండా నీళ్లు పోసి వారంపాటు నానబెట్టాలి. ఆపైన ఈ నీటిని మొక్కలకు అందిస్తే అవి ఏపుగా పెరుగుతాయి.

ఈ వార్తలు కూడా చదవండి

అత్తాపూర్ కిడ్నాప్‌ కేసు.. ఇంట్లోనే సేఫ్‌గా ఉన్న యువతి

శంషాబాద్ విమానాశ్రయంలో పట్టుపడిన హైగ్రేడ్ గంజాయి..